To'vo

Monis mholl'llo oplea svarthak lagun koxem porigotecho upeg korta, zoxem omiban opnnabhomvtonni aschea gatrak sori zaun oplo gatr bodlita toxem vellakallak sori zaun ople vichar, totvam, noitik mouleam toxench vektitv soit bodlita. Ani oplem bollkem bhorcheak herancho upeg kortana, hatak mell‌l'lem pajta ani motik ayil'lem tachta. Tankam tap‌l'li kail/tovo gorjecho asta punn tea toveachi fikir zamv, toveapondlea ujeachi kallji zamv osoleank asana - fikir asta fokot't opnnan xekun khaunko aschea bhakrechi - ji faleam gu zaun vechetosoli.

Bab porex norendro kamot gõycho namnnecho kovi, chitr‌kar toxench vimorxok. Hangasor osolichch chintpachi kovita gheun aila. Thoddeach utramni vinnloli hi kovita fokot kanni attapta matr nhoi, jemel'lea dolleancher vicharanchem thembe ximpddaita. Bakichem mapunk tujer soddtam.

To'vo

kaim zannank tapil'lo to'vo zai asta.

Te heutten bhomvtat

te teutten bhomvtat

to'vo sodtat

tamnnim Kagodan gutthlaun pitth haddil'lem asta kaloun

bolsant douril'lem asta

opli bhakri bhajpak

te tapil'lea tovear ochlloi opli ghetat bhazun

tankam toveachem poddun gel'lem nasta

na tovea ponda pettil'lea ujeachem

te almopedd'dd‍yar koxe

gamvar heddot astat

bhakri chabddait

ruchin..

- tankam tapil'lo to'vo zai asta

sornna bhaxen chorchorit!

- Porex Norendro Kamot [Febrer, 2018]

Porex Norendro Kamot: 'olong', 'gorbhakholl', 'xubhankor' ani 'chitrolipi' mholl'lle chear kovitazome porgott zaleat. Veginch panchvo kovitazomo ’rongoboli’ porgottchear asa. Konknni bhaxa monddoll puroskar, bi.Bi.Borkor smarok puroskar, kola okaddemi sahityo puroskar, jo'no'gonga sahityo puroskar, gova konkonni okaddemi sahityo puroskar ani goyam sorkara thaun yuvo srizon puroskar labhleat. Hacheo kovita hindi, guzorati, sindhi, moratthi, ponzobi, telugu ani iglix bhasemni onuvadit zaleat.