Sad soimacho (- H Manoj J.)

[kovita] Sad soimacho (- H Manoj J.)

Yugam yugamni monoxak sorv ritin jieunko kumok kel'lem soim' atam monoxak opolea kornencher niall korunk dita mholl'llem chintop dimvchi kovita hi. Kaim monis zo konnak‌ch aikanascho, konnathaun‌ch xikanascho, opunn‌ch vorto mholl'lle chintopacho honkari kaim soimathaun xikunk sokta? hench vhodd proxn.

[kovita] Sad soimacho (- H Manoj J.)

Sad soimacho

ravat thambat aikat

hem konnachem rudon

zalam konnak lagun

aikat kan divn

soima kustar miroilo jhet

samball korunk tika dilona hat

svarth sadpeani kelo ghat

somzun soimak bapaicho fat

dhortoren ghetl'le kuxint

dourl'lo amcher mayecho hat

ami mat laili soimachi vatt

roddtta atam bhurgim balla dis rat

zanntteamni pujleli tika

manun dhortori mai

zonn ekleak ti zai

ti fokot sorvosv dita

magina ken'nach kaim

atam tori sadur zaun

soimachi ghevea zotnai

rakhuya mayechem daiz

golloun ghamacheo paulleo aiz

ibadd kelea tichi kus

korun poreavoronnacho vidhvoms

koxtta dhagear guntheaporot

pika moteanchi mall

ticho sad aikolona

monis tigouk pauchona

svas gheunk urchona

dekhun

ravat thambat aikat

saibano ho soimacho sad

- H. Manoj J. [Jun, 2020]