ಕವಿತಾकविताPoem

ನಶಾ (- ಎಚ್. ಮನೋಜ್ ಜೆ)

[ಕವಿತಾ] ನಶಾ (- ಎಚ್. ಮನೋಜ್ ಜೆ)

ಕಾಳ್ ಬದಲ್ಚೆಪರಿಂಚ್ ಮನಿಸ್ ಬದಲ್ತಾ. ಹಿ ಬದ್ಲಾವಣ್ ಚಿಂತ್ಪಾಚಿ ಆಸುಯೆತ್, ಜಿಣ್ಯೆಚ್ಯಾ ರಿತಿಚಿ ಆಸುಯೆತ್ ವಾ ಆಧಾರ್ಚ್ಯಾ ರಿತಿ-ರಿವಾಜೆಂಚಿ ಆಸುಯೆತ್. ಎಕಾ ವಾಟೆನ್ ಮನಿಸ್ ಅಜೂನ್ ಸತ್-ನೀತ್-ನಯ್ತಿಕ್-ಆದರ್ಶ್ ಮ್ಹಣ್ ಜಿಯೆತಾ ತರ್ ಅನ್ಯೇಕಾ ವಾಟೆನ್ ಮನಿಸ್ ಹೆಂ ಸತ್-ನೀತ್-ಆದರ್ಶ್ ಸರ್ವ್ ಎಕಾ ರಿತಿಚೆ ಭಾಂದ್ಪಾಸ್ ಮ್ಹಣುನ್ ಲೆಕುನ್ ಮತಿಕ್ ಆಯಿಲ್ಲೆಂ ಕರುನ್ ಮತ್ಲಬ್ ನಾತ್‌ಲ್ಲ್ಯಾ ಸುಕಾಚ್ಯಾ ಪಾಟ್ಲ್ಯಾನ್ ಧಾಂವುಂಕ್ ಲಾಗ್ಲಾ. ಹಾಂತುಂ ಏಕ್ ಪಿಶೆಂ ನಶೆಚೆಂ/ಅಮಾಲಾಚೆಂ. ದೆಕುನ್ ದರೇಕಾ ಫೆಸ್ತ್-ಸಂಭ್ರಮಾಂನಿ ನಶಾ ಕರುನ್ ಅಪ್ಲಿ ಮತ್‍ಚ್ ಆಡೊವ್ ಘಾಲುಂಕ್ ಮುಕಾರ್ ಸರ್ತಾ. ಹೆಚ್ ಪಾಠ್‌ಭುಂಯ್‌ಚೆರ್ ಹಿ ಕವಿತಾ ಉಭಿ ಕೆಲ್ಯಾ.

[ಕವಿತಾ] ನಶಾ (- ಎಚ್. ಮನೋಜ್ ಜೆ)

ನಶಾ

ಘುಂವ್ ಘಂವ್ ಘುವ್ಳಿ ವಖ್ದಾನ್

ಗೊಂಯಾಕ್ ಘಾಸ್ ಮಾಲ್ಲಾ

ಪಿಶೆ ಜಾಲ್ಯಾ ಯೆವಂಕ್ ಹಾಂಗಾ

ಪಾಂಯ್ ತಾಂಚೆ ಧರ್ಲ್ಯಾ

ಗಾಂಜಾ ಹಾಫಿನ್ ಬ್ರಾವನ್ ಶುಗರ್

ದರ್ಯಾವೆಳೆರ್ ಲಿಪ್ಲ್ಯಾ

ಸೈಮಾಚೆ ಸೊಬೀತಕಾಯೆನ್

ಮನೀಸಪಣ್ ಶೆಣ್ಲಾಂ

ಸೊಬೀತ್ ಸುಂದರ್ ಲ್ಹಾರಾಂಚೆರ್

ನಶಾ ತುಮ್ಚಿ ಪಿಕ್ಲ್ಯಾ

ಅಮುರಪೀಕ್ಯಾ ಜೀಣೆಚಿ

ರಾತ್ ಕೆನ್ನಾಚ್ ಸೊಪ್ಲ್ಯಾ

ನಶಾ ತುಮ್ಚ್ಯಾ ಕಾಳ್ಜಾಂತ್ ಭಲ್ಲ್ಯಾ

ಖಾಸಾವೀಸ್ ದರ್ಯಾ

ಪಿಶಾಂತುರ್ ಜಾವ್ನ್ ತೊ

ರೌದ್ರ್ ರುಪ್ ಘೆತಾ

ದಮ್ ನ್ಹಯ್ ಹೊ ಭ್ರಮ್ ತುಮ್ಚೊ

ನವ್ಯಾ ವರ್ಸಾಕ್ ನಾಕಾ

ನವ್ಯಾ ವರ್ಸಾಚ್ಯಾ ನವ್ಯಾ ಸೂರ್ಯಾಕ್

ನಮನ್ ಕರುಂಕ್ ರಾವಾತ್

- ಎಚ್. ಮನೋಜ್ ಜೆ. [ನವೆಂಬ್ರ್, 2020]