नशा (- एच. मनोज जे)

[कविता] नशा (- एच. मनोज जे)

काळ बदल्चेपरिंच मनीस बदल्ता. ही बदलावण चिंत्पाची आसुयेत, जिण्येच्या रितिची आसुयेत वा आधार्च्या रिती-रिवाजेंची आसुयेत. एका वाटेन मनीस अजून सत-नीत-नयतीक-आदर्श म्हण जियेता तर अन्येका वाटेन मनीस हें सत-नीत-आदर्श सर्व एका रितिचे भांदपास म्हणून लेकून मतीक आयिल्लें करून मतलब नात‌ल्ल्या सुकाच्या पाटल्यान धांवुंक लागला. हांतूं एक पिशें नशेचें/अमालाचें. देकून दरेका फेसत-संभ्रमांनी नशा करून अपली मत‍च आडोव घालुंक मुकार सर्ता. हेच पाठ‌भुंय‌चेर ही कविता उभी केल्या.

[कविता] नशा (- एच. मनोज जे)

नशा 

घुंव घंव घुवळी वखदान

गोंयाक घास माल्ला

पिशे जाल्या येवंक हांगा

पांय तांचे धरल्या

गांजा हाफिन ब्रावन शुगर

दर्यावेळेर लिपल्या

सैमाचे सोबीतकायेन

मनीसपण शेणलां

सोबीत सुंदर ल्हारांचेर

नशा तुमची पिकल्या

अमुरपीक्या जीणेची

रात केन्नाच सोपल्या

नशा तुमच्या काळजांत भल्ल्या

खासावीस दर्या

पिशांतुर जावन तो

रौद्र रुप घेता

दम न्हय हो भ्रम तुमचो

नव्या वर्साक नाका

नव्या वर्साच्या नव्या सूर्याक

नमन करुंक रावात

-  एच. मनोज जे. [नवेंबर, २०२०]