ಕವಿತಾकविताPoem
Pokhvaz (- Maya Anil Khorongotte)
[kovita] Pokhvaz (- Maya Anil Khorongotte)
Don tonddanchem
pokhvaz mhollear donyi kuximni mar khaunko
aschem eka asturek. Somajechi dostur koxi
mhollear pikea pokayecher suri paddundi va
churiecher piko popai poddundi, punn khatorn
gheunko aschem pikyo popayekch. Hangasor eka
osturek vevegollea sondhorbhar bhogunk
aschevixim thoddeach utramni gunddayecho attovo
kel'lo disun yeta. Somzunk gel'leporim kovitechi
tank motik sustota.
Bai maya khorongotte
gõychi namnechi kovi. Kothakar ani kadomborikar.
Tichea kovitemni soit lipun ascheo kannio
opurbhayecheo matr nhoi, chodd kall poreant
yadint urchetosoleo mhonncheak hi kovita kaim
govai dit. Bakichem tujer soddtam.
[kovita] Pokhvaz (- Maya Anil Khorongotte)
Pokhvaz
osture tum pokhvaz
don tonddachem donoi votten
jivitobhor vazoupacho lhanponnant auy bapain updexamrit piuylem somzaunnechea
navakhala pokhvaz tuzo vazoilo tornnatte ponnacho
humbro tumvem somaz haukeak bhit
huplo tum choli bhurgem
mhonnot - mhonnot pokhvaz tuzo vazoilo lognovedir choddoitona
tuka bhangra - xingrani
nottoilem voir huboi ghorchi
ghuddi mhonnot pokhvaz tuzo vazoilo ghorkarachim
tirkosoponna bhurgeanchim
bhurgeponna tal sur tancho
samballottona pokhvaz tuzo vazoilo donoi vottchean
pinjsor pokhvaz tuzo vazoilo vazoi vazoi vazailo vazoi vazoi vazailo
- Maya Anil Khorongotte. [Dec, 2019]
Maya Anil Khorongotte: Vrit'ten xikxoki zaunaschi bai maya onil khorongotte, gõychi namnnechi kannyegarn toxench kouyotri. Kovisom'mellonamni bhag ghemvchi hi kareall kouyotri toxench urbhest kannyegarn. ’kothaponji’, ’xraunno ximvor’ tiche porgott zal'le kovitazome. Tichea kadomborecho bukyi ailevar porgottla. ’xaroda kauyo sevo puroskar’ hika yedoll labhl'lo puroskar.
ಕವಿತಾकविताPoem Jan 2020
Pachvi Soya (- Maya Anil Kharangate)
ಕವಿತಾकविताPoem Jun 2018
Hompi [Maya Anil Khorongotte]
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.