ಪಾಚ್ವಿ ಸಯಾ (- ಮಾಯಾ ಅನಿಲ್ ಖರಂಗಟೆ)

[ಕವಿತಾ] ಪಾಚ್ವಿ ಸಯಾ (- ಮಾಯಾ ಅನಿಲ್ ಖರಂಗಟೆ)

ಆಧುನಿಕತಾ, ಬದ್ಲಾವಣ್, ಶೆರೀಕರಣ್, ನಾಗರೀಕತಾ.... ಕಾಂಯ್ ನವಿಂ ನವಿಂ ರುಪಾಂ ಯೆವುನ್ ಧರ್ತೆಚಿಂ ರುಪಾಂ ವಿದ್ರೂಪ್ ಕರ್ತಾಕಾಯ್ ಮ್ಹಳ್ಳೊ ದುಭಾವ್ ಖರೊಚ್ ಜಾವ್ನ್ ಧೊಸುನ್ ಆಸಾ. ಪ್ರಕೃತಿ ಸಯ್ತ್ ಆಜ್ ಥರ್ಥರುಂಕ್ ಲಾಗ್ಲ್ಯಾ. ಆನಿ ಹಾಂಗಾಸರ್ ಕೊಂಕ್ರೆಟಿಚಿಂ ರಾನಾಂಚಿಂ ಸಭಾರ್ ರುಪಾಂ ಅಪುರ್ಭಾಯೆನ್ ದಿಸುನ್ ಯೆತಾನಾ ಕವಿತೆಚಿ ತಾಂಕ್ ಸಮ್ಜತಾ.

ವಾಯ್ ಮಾಯಾ ಅನಿಲ್ ಖರಂಗಟೆ ಏಕ್ ಭಳ್ವಂತ್ ಕಾಣಿಯೆಗಾರ್, ಪುಣ್ ತಿಚ್ಯಾ ಕವಿತೆಂನಿ ಸಯ್ತ್ ಕಾಣಿಯೊ ಆಸಾತ್ ಆನಿ ಕವಿತಾರಸಿಕಾಂಕ್ ತ್ಯೊ ಖೂಪ್ ಆವಡ್ತಾತ್ ಮ್ಹಣ್ಚ್ಯಾಕ್ ಕಾಂಯ್ ಹಿ ಕವಿತಾ ಗವಾಯ್.

[ಕವಿತಾ] ಪಾಚ್ವಿ ಸಯಾ (- ಮಾಯಾ ಅನಿಲ್ ಖರಂಗಟೆ)

ಪಾಚ್ವಿ ಸಯಾ

ಹಾಂವೆಂ ಆಯ್ಕಲ್ಲೆಂ ಪಾವ್ಶಿ ದಿಸಾಂನಿ

ಸಗ್ಳೆ ಕಡೆನ್ ದಿಸ್ತಾ ಪಾಚ್ವಿ ಸಯಾ

ಕಾಂಕ್ರಿಟಾಚ್ಯಾ ರಾನಾಕ್ ಮಾತ್ಶಿ ತರಿ

ಪಾಚ್ವಿ ಸಯಾ ಮಾರ್ಚಿ ಮ್ಹಣೂನ್

ಸುವಿಚಾರಾಂಚಿಂ ಬಿಂಯಾಂ ಹಾಂವ್

ವಚ್ತಾ ಥಂಯ್ ಫಾಫ್ಡತ್ ರಾವ್ಲೆಂ

ಸುಸಂಸ್ಕಾರಾಚ್ಯೊ ರೊಪ್ಯೊ ಕಿಲ್ಲೂನ್ ಯೆತ್ಲ್ಯೊ

ಮ್ಹಣೂನ್ ವಾಟ್ ಪಳಯ್ತ್ ರವ್ಲೆಂ.

ನಕ್ಳಂ ಕಶೆಂ ಮ್ಹಜ್ಯಾ ಕಾಂಕ್ರಿಟಾಚ್ಯಾ ಶೆತಾಂತ್

ದುಸ್ವಾಸಾಚೆಂ ತಣ್ ತಶೆಂಚ್ ದವ್ರೂನ್

ಮ್ಹಜೆಂ ಶೆಂತಚ್ ಹುಮ್ಟಾವನ್ ಉಡಯ್ಲೆಂ

ಆತಾಂ ವಚತ್ ಥಂಯ್ ಮಾತ್ಲಾಂ

ದುಸ್ವಾಸಾಚೆಂ ತಣ್, ಕುಸಂಸ್ಕಾರಾಚೆಂ ರಾನ್

ತಾಚೀಚ್ ರಡ್ವಿ ಸಯಾ ಚಡ್ಲ್ಯಾ

ಆತಾಂ ಕಾಂಕ್ರಿಟಾಚ್ಯಾ ರಾನಾರ್

- ಮಾಯಾ ಅನಿಲ್ ಖರಂಗಟೆ. [ಜನೆರ್, 2020]