ASHAWADI PRAKASHAN ಆಶಾವಾದಿ ಪ್ರಕಾಶನ್ as long as I live, I hope
Contact us
ASHAWADI
Poinnari ಪಯ್ಣಾರಿ

ಕವಿತಾकविताPoem

Pachvi Soya (- Maya Anil Kharangate)

[kovita] Pachvi Soya (- Maya Anil Kharangate)

Adhunikota, bodlaunn, xerikoronn, nagorikota.... Kaim novim novim rupam yevun dhortechim rupam vidrup kortakai mholl'llo dubhavo khoroch zaun dhosun asa. Prokriti soit az thorthorunk laglea. Ani hangasor konkrettichim rananchim sobhar rupam opurbhayen disun yetana kovitechi tank somzota.

Vai Maya Anil Kharangate ek bhollvont kanniegar, punn tichea kovitemni soit kannio asat ani kovitarosikank teo khup auddtat mhonncheak kaim hi kovita govai.

[kovita] Pachvi Soya (- Maya Anil Kharangate)

Pachvi Soya

Hamvem aikl'lem pauxi disamni

soglle kodden dista pachvi soya

kankrittachea ranak matxi tori

pachvi soya marchi mhonnun

suvicharanchim bimyam hamv

vochta thoim fafddot raulem

susomskaracheo ropeo kil'lun yetleo

mhonnun vatt polloit roulem.

Nokllom koxem mhojea kankrittachea xetant

dusvasachem tonn toxench dourun

mhojem xentoch humttaun uddoilem

atam vochot thoim matlam

dusvasachem tonn, kusomskarachem ran

tachich roddvi soya choddlea

atam kankrittachea ranar

- Maya Anil Kharangate. [Jan, 2020]

Maya Anil Kharangate: Vrit'ten xikxoki zaunaschi bai maya onil khorongotte, gõychi namnnechi kann‌yegarn toxench kouyotri. Kovisom'mellonamni bhag ghemvchi hi kareall kouyotri toxench urbhest kann‍yegarn. ’kothaponji’, ’xraunno ximvor’ tiche porgott zal'le kovitazome. Tichea kadomborecho buk‌yi ailevar porgottla. ’xaroda kauyo sevo puroskar’ hika yedoll labh‌l'lo puroskar.

© 2020 ಮಾಯಾ ಅನಿಲ್ ಖರಂಗಟೆ · ASHAWADI PROKAXON All rights reserved.

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

ಮಾಯಾ ಅನಿಲ್ ಖರಂಗಟೆ

All 3 pages by this writer

More from ಮಾಯಾ ಅನಿಲ್ ಖರಂಗಟೆ

More in Poinnari

Everything in Poinnari