Mullam (- Harsha S hettye )

[kovita] Mullam  (- Harsha Shettye)

Somsarachem nem' hem, konn panank mat vhollkota, konn fulank oni konn follank. Punn pallank konn‌yi vhollkona. Khoremponni pallanch choddit motohvachim. Hem vigeanachem utor zalem tor, konkonni somsarant pallam mhollear kitem? ani mati mhollear kitem? hi kovita porot porot vachtana choddit oni choddit sundor disot veta.

[kovita] Mullam  (- Harsha Shettye)

Mullam

khol khol

toxi voileavoir pollounk

ti disnat

tori-i tim astat

khol khol

humttoitona tim ninhollotat

punn novea vattharachi as

ghai pekoita

mullanch tim

humttaili tori-i

volea matyent

porti rujtat

hi mati,tim mati

mullam forok korinat

tori-i khoim tori

odd astach

pornnea matyechim

mullanch tim

gheun ayil'li asta

pornni mati

mullank dosoun

hi pornni mati

oddun vhorta

mullank mullankodden

nimnnea penneameren

- Harsha Shettye. [Febrer, 2020]

Harsha Shettye: Gõychi namnechi kovi, kothakar ani ball sahit‌kar. ’mhoji mati mhojem mollob’ kovitozomeasovem her 8 buk porgottleat. Okhil bharti-i kovi som'mellonacho pursokar hichea kovitajmyok labhla. Toxench konknni bhaxa monddoll Gõy thaun, bimb pursokar, konknni bhaxa prochar sobhacho N.M.Sorsvoti pursokar hika labhla. Hinnem zanpod, gõychi osmitai, gõychi adli khannam,xeunnim,ranfumlam,pornneo vostu, hanchi mhaiti ekttham-i korta. Tancher lekh boroita. Raxttri-i kamasallamni kovita/probondham sador keleant.