ಕವಿತಾकविताPoem
ಮುಳಾಂ (- ಹರ್ಷಾ ಶೆಟ್ಯೆ)
[ಕವಿತಾ] ಮುಳಾಂ (- ಹರ್ಷಾ ಶೆಟ್ಯೆ)
ಸಂಸಾರಾಚೆಂ ನೇಮ್ ಹೆಂ, ಕೊಣ್ ಪಾನಾಂಕ್ ಮಾತ್ ವ್ಹಳ್ಕತಾ, ಕೊಣ್ ಫುಲಾಂಕ್ ಅನಿ ಕೊಣ್ ಫಳಾಂಕ್. ಪುಣ್ ಪಾಳಾಂಕ್ ಕೊಣ್ಯೀ ವ್ಹಳ್ಕನಾ. ಖರೆಂಪಣಿ ಪಾಳಾಂಚ್ ಚಡಿತ್ ಮತಹ್ವಾಚಿಂ. ಹೆಂ ವಿಗ್ಯಾನಾಚೆಂ ಉತರ್ ಜಾಲೆಂ ತರ್, ಕೊಂಕಣಿ ಸಂಸಾರಾಂತ್ ಪಾಳಾಂ ಮ್ಹಳ್ಯಾರ್ ಕಿತೆಂ? ಆನಿ ಮಾತಿ ಮ್ಹಳ್ಯಾರ್ ಕಿತೆಂ? ಹಿ ಕವಿತಾ ಪರತ್ ಪರತ್ ವಾಚ್ತಾನಾ ಚಡಿತ್ ಅನಿ ಚಡಿತ್ ಸುಂದರ್ ದಿಸತ್ ವೆತಾ.
ಬಾಯ್ ಹರ್ಷ ಶೆಟ್ಯೆಚಿ ಅನ್ಯೇಕ್ ಅಪುರ್ಭಾಯೆಚಿ ಕವಿತಾ. ಹ್ಯಾ ಕವಿತೆಚಿಂ ಪಾಳಾಂ ಸುಟಂವ್ಕ್ ತಶೆಂಚ್ ಮುಳಾಂ ವ್ಹಳ್ಕುಂಕ್ ತುಕಾಚ್ ಸೊಡ್ತಾಂ.
[ಕವಿತಾ] ಮುಳಾಂ (- ಹರ್ಷಾ ಶೆಟ್ಯೆ)
ಮುಳಾಂ
ಮುಳಾಂ ವತಾತ್ ಖೊಲ್ ಖೊಲ್ ತಶಿ
ವಯ್ಲ್ಯಾವಯರ್ ಪಳೊವಂಕ್ ತಿ ದಿಸ್ನಾತ್ ತರೀಯ್ ತಿಂ
ಆಸ್ತಾತ್ ಖೊಲ್ ಖೊಲ್ ಹುಮ್ಟಯತನಾ ತಿಂ ನಿನ್ಹಳತಾತ್ ಪೂಣ್ ನವ್ಯಾ ವಾಠಾರಾಚಿ ಆಸ್ ಘಾಯ್ ಪೆಕಯ್ತಾ ಮುಳಾಂಚ್ ತಿಂ ಹುಮ್ಟಾಯಲಿ ತರೀಯ್ ವಲ್ಯಾ
ಮಾತ್ಯೆಂತ್ ಪರ್ತಿ ರುಜ್ತಾತ್ ಹಿ ಮಾತಿ,ತಿಂ ಮಾತಿ ಮುಳಾಂ ಫರಕ್ ಕರೀನಾತ್ ತರೀಯ್ ಖಂಯ್ ತರಿ ಒಡ್
ಆಸ್ತಾಚ್ ಪೊರ್ಣ್ಯಾ ಮಾತ್ಯೆಚಿಂ ಮುಳಾಂಚ್ ತಿಂ ಘೆವ್ನ್ ಆಯಿಲ್ಲಿ ಆಸ್ತಾ ಪೊರ್ಣಿ ಮಾತಿ ಮುಳಾಂಕ್
ದಸೊವ್ನ್ ಹಿ ಪೊರ್ಣಿ ಮಾತಿ ಒಡೂನ್ ವ್ಹರ್ತಾ ಮುಳಾಂಕ್ ಮುಳಾಂಕಡೆನ್ ನಿಮ್ಣ್ಯಾ ಪೆಣ್ಯಾಮೆರೆನ್
-
ಹರ್ಷಾ ಶೆಟ್ಯೆ.
[ಫೆಬ್ರೆರ್, 2020]
ಹರ್ಷಾ ಶೆಟ್ಯೆ:
ಗೊಂಯ್ಚಿ ನಾಮ್ನೆಚಿ ಕವಿ, ಕಥಾಕಾರ್ ಆನಿ ಬಾಳ್
ಸಾಹಿತ್ಕಾರ್. ’ಮ್ಹಜಿ ಮಾತಿ ಮ್ಹಜೆಂ ಮೊಳಬ್’
ಕವಿತಜಮ್ಯಾಸವೆಂ ಹೆರ್ 8 ಬೂಕ್ ಪರ್ಗಟ್ಲ್ಯಾತ್. ಅಖಿಲ್
ಭಾರತೀಯ್ ಕವಿ ಸಮ್ಮೆಳನಾಚೊ ಪುರ್ಸಕಾರ್ ಹಿಚ್ಯಾ
ಕವಿತಾಜ್ಮ್ಯಕ್ ಲಾಭ್ಲಾ. ತಶೆಂಚ್ ಕೊಂಕ್ಣಿ ಭಾಶಾ ಮಂಡಳ್
ಗೊಂಯ್ ಥಾವ್ನ್, ಬಿಂಬ್ ಪುರ್ಸಕಾರ್, ಕೊಂಕ್ಣಿ ಭಾಶಾ
ಪ್ರಚಾರ್ ಸಭಾಚೊ ಎನ್.ಎಮ್.ಸರ್ಸ್ವತಿ ಪುರ್ಸಕಾರ್ ಹಿಕಾ
ಲಾಭ್ಲಾ. ಹಿಣೆಂ ಜಾನ್ಪದ್, ಗೊಂಯ್ಚಿ ಅಸ್ಮಿತಾಯ್,
ಗೊಂಯ್ಚಿ ಆದ್ಲಿ ಖಾಣಾಂ,ಶೆವ್ಣಿಂ,ರಾನ್ಫುಂಲಾಂ,ಪೊರ್ಣ್ಯೊ
ವಸ್ತು, ಹಾಂಚಿ ಮ್ಹಾಯ್ತಿ ಎಕ್ಠಾಂಯ್ ಕರ್ತಾ. ತಾಂಚೆರ್
ಲೆಖ್ ಬರಯ್ತಾ. ರಾಶ್ಟ್ರೀಯ್ ಕಾಮಾಸಾಳಾಂನಿ
ಕವಿತಾ/ಪ್ರಬಂಧಾಂ ಸಾದರ್ ಕೆಲ್ಯಾಂತ್.
ಕವಿತಾकविताPoem Dec 2019
ಹಾಂವ್ ವತ್ಕೀಚ್...... (- ಹರ್ಷಾ ಶೆಟ್ಯೆ)
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.