ಕವಿತಾकविताPoem

Mai tu dost ki Duxmon! (- Vosudha Probhu)

[kovita] Mai tu dost ki Duxmon! (- Vosudha Probhu)

Bhurogeaponnar amkam sorovank ek proxn dhoschem asa, jedonam bapui ami chuki kel'lye vellar amkam xikxa ditana, iskolant ttichor soit ami chuki kel'lyevellar amkam xikxa ditana. Punn auyn dimvchi xikxa vegollich; hantum duk na, ti marina, duk/vedona dina, punn amkam nidentlem vellar uttoita, amkam bhuk nam toroyi khann haddun dit'ta, iskolachi bhuti/potem toyar korun dita, amchem iskolachem obheas korunk mon natlea vellar zobor‌dosten obheas koroita. Oxem monant proxn udeta ’mhoji mam-i mhoji dost‌ki mhoji dusman?’

bai vosudha probhun ji.Es.Bi. Bolint boroyil'li sompi punn vachpeachea kallzak apoddchi kovita hi. Hea kovitechi sobhai ani tank somzunk atam tukach apounnem ditam.

[kovita] Mai tu dost ki Duxmon! (- Vosudha Probhu)

Mai tu dost ki maji duxmon!

sokall zolki mai chi vottvott suru zat'to

mhonnto suryu ud'delo uttre put'ta

nhannint hunhun ud'do osso ghott bhor

dant ghasun naunu skula bhayir sor

tedona hamv lekto hi majhi mayi ki maji duxmon

fatti makxi beag zodd zoddo choddoita

bhuk logler kha mhonnu khavu ddobo dit'ta

pensil kannu toje ttoko osoki polloyita

robbor kitle zorla mhonnu topas korota

tedona hamv lekta hi maji mai ki duxmon

xalletun patti oylki hiche proxno kit'tule

xallet mastoron tuka kite proxno vicharle

kit'tul proxnanko tuve zobabu dil'le

pattopatt proxno yetona makko rag‌et'ta kitle

tedona hamv lekta hi maji mai ki duxmon

dostam borobor somo khellu dina

chuk kele mhonnu dosta hamv martona

tan'ni haddil'le chaklett chornu khat'tona

dostak kollnaxi tanche chedd'ddik mat'ti laitona

ti makkoch marta oxil'li,,

tedona hamv lektalo hi maji mai ki duxmon

to dis baye gelo, hamv ot'ta hodd zalo

bore, vayitt mokka kollu lagla

tu kitek marta oxil'li ota hamv zannta

majhi mai

tu majech boreponnak he sogolle kel'la

mhonnunoch hamv boro monus zal'la

ot'to kollu lagla

mitta bigor ronpak ruchina,, auyi vina dusro devu na

- Vosudha Probhu. [March, 2023]

Vosudha Probhu: Namnnechi obhinetri, boroupinn. Kanoddi bhasent matr nhoi konknnent soit kovita boromvchi hi mumboyant namnnechi. Nattok, filmamni notton kel'li hi somajik viddombonancher kovita boroita dekun kovigoxttimni hichea kovitenk lok khub khais korta. Hicho poilo kovitazomo ’bayilo bom'munnu’ porgottla.