ASHAWADI PRAKASHAN ಆಶಾವಾದಿ ಪ್ರಕಾಶನ್ as long as I live, I hope
Contact us
ASHAWADI
Poinnari ಪಯ್ಣಾರಿ

ಕವಿತಾकविताPoem

Collage eka Manogorachem (- Shailendra Mehta)

[kovita] Collage eka Manogorachem (- Shailendra Mehta)

Hoveasi kovi sogolleamni bhorun gel'lea aichea kallar jinnye onbhovak gallun, tantolea koddu yadink pillun jedonam zhoroyil'lem auk niallun jeyetana, hea songhorxamni gollchea ekeka thembe dukam soit kovitecheo zhori koxeo futtounko soktit mholl'llem somzunk hi kovita zorur vaschi. Hantum ekek sobdh attom' bambaporim oputt sotachi kuruH ditana utram utramni imaji ekek kanni sangun vetat.

Bab Shailendra Mehta hea mumboi ani mumboichea ekeka konxear jiel'lo ani parkil'lo zago kovi. Dharavi zopodd‌pott'ttent vosti kortelea gorib lokam pasot khup vaur korun aila. Mumboi tosolea mha-xerant monis mholl'llea jivink koxem kidde korun opleach faideak ghastat ani pustat mholl'llem lagsilean polleun, parkun ayil'lo somvedon‌xill kovi. Ani hem monxak kidde korchoi monis‌ch mholl'llem porot sangchi gorz na. Bakichem sorv kovitach sangun veta. Kovitechi ekek voll kovitarosikanchea angachi lomv ubhi korta. Ani ho onbhou korunk tukach ulo ditam.

[kovita] Collage eka Manogorachem (- Shailendra Mehta)

Collage eka Manogorachem

hea mhangorantole roste

bhorun vhamvtona disrat

vahnanchea lottant

nagddeaughddea poranchea

kuddiuylea chikhlache thor

vaddot votat

gottarantlea mansun tolleamni

zatai vorsanours visrzon

ani mohanogoropalikecheo koiracheo gaddeo

oxa kallkhea ghannichea samrajeant

dor disa zatat boska, sobha ani chorchastram

polloit hatantlea mobailancher porn chitrofitam

dhove pauddorichea adaran

damun dourop sopem kai kotthinn

apleo bonddkhor vasna

hacher mat zaina koxench ekmot

teach gunnsutrancheo tuttot vochpi soroplleo

'yedda bonke pedda khaunga' chim sopnam polloit

toddfoddun pautat

xarachea ximeuylea mosnnobhumyer

moddea gaddeamni nimanni bhomvonddi marun

loksonkhea niyontronnachea namvan

voza zait votat veusthentole kuske bottatte

berjechea rajkaronnak choddtta novo rong

novim bhojnam gait upaxi gordi dhund

ghuddeani ani boneramni sozoil'lea

konxea - konxea voilea ghumtteani

kirouttik laun fondd petteancheo chaveo

ghuttmollotta kaulleanodorechi fouz porni

hamspacho goddgodd somptam somptam

dhumvrachea kupafattolo

mukhamoll xennil'lo

somvkollicho prexit

chilim' fuktam fuktam suskarota,

'ore bhai, chutionki bosti mem

ganddu sordar hoi!"

- Shailendra Mehta [April, 2020]

Shailendra Mehta: Polittikol Sainsacho odheapok zaun vaur kel'lo ho onkonn‌kar, kovi, somikxok, torzo‌kar toxench konkonni vauraddi. Gõy mullacho sod'deak mumbomyt vaur korun asa. Challis vorosam thaun moratthi, konkonnint boroita. ’sisifos teng‌xer’ tachea konkonni kovitencho zomo.

© 2020 Shailendra Mehta · ASHAWADI PROKAXON All rights reserved.

Author

Shailendra Mehta

Zolm': Ponnji
Mullave xikxonn vaglle haiskul mongexi, tache uprant sorkari uchch madhyomik videaloi ani dhempe kolez, ponnji. Uprant mumboi videapitthachi totvoginean vixeantani gova videapitthachi rajyoxastr ani lettin omerikon sttoddiz vixeamni podvyut'tor podvi. 1980 chea doskant videarthi, kamgar ani Konkani cholloullini sokriy. 
Konkani, moratthi, inglejh bhaxantlean kovita, lekh, nattyoporikxonn, nibond, sod nibond, mulakhoti toxench sthaptyoxastr, ddizhain, hostokola, somazoxastr, rajyoxastr oxea vingddovingodd vixeamveli borpaull thollavea, raxttri-i ani antororaxttri-i nemalleani sat'tean ujvaddak yet asa. 
Goa videapitthachea Konkani vixvokox proklpant sonxodhon sohaik: 3 vorsam
Goan Viklicho Sompadok: 1 vors
Gomontok Times Nemalleant Potrokar: 5 vorsam
Fr.Agnel College, Pilar Hanga Rajyoxastr Vixeacho Veakheata: 6 vorsam
Gelim 26 Vorsam choddso Mumboi rabito. 
'inddeks fornichor zornol ' hea antororaxttri-i nemalleachem 20 vorsam sompadon, 
'mai monttor'(3 vorsam) hea inglejh ani 'songram'' (7 vorsam) hea moratthi nemalleachem sompadon
Gomontok ttiuhi hea chenlacho maji sol'lagar sompadok: dedd vors 
Poinnari.com Sohsompadk: 2020 Saun
Sompadok: Vornnomudra, Konkani sahityik tin mhoineallem 2024 saun
Ujvaddoil'lem Sahity:
1. Sisifos tengxer: Konkani kovitasongroh 
2. Mukt chinton: nibond songroh (Konkani)
3. Obhizat: somvsarik sahiteacher moratthi nibondh songroh.
4. Vijnovasantolo bhounddekor: Konkani kovitasongroh 
5. Ximepolotoddochem daiz: kothasongroh (16 somvsarik kothancho Konkanint onnkar) 
6. Mukt monthon: nibond songroh (Konkani)
7. Mumboicho vepari: ke ji mol'lea hanche kadomboricho Konkani onnkar 
8. Algoridomachea vixvant: kovita songroh (Konkani)
9. Pleg: alber kamyuche french kadomboricho Konkani onnkar    
10. Goveatil porxuram' kotha vo brahmonni itihasolekhon: moratthi

Fuddem Yeupi Prokaxonam:
1. Okxor: nibond songroh (purvil'lea te modhyoyugamerenchea namnechea sahity rochnnukanchi molaunni) (moratthi)
2. Osvosth vortoman: kovita songroh (moratthi)   
3. Pordesantolim fulam: 60 somvsarik kovincher ttipnnam anni tanchea kovitanche onnkar (Konkani)
4. Kotha porikroma: vis somvsarik kothancho moratthi onnkar
5. Osmanoteadd bondd: periar (Konkani)
6. Soundryoxastr ani Konkani sahity
7. Kallkhantolem rong ani her kotha: Konkani kothasongroh
8. Against the Silence: Poetry collection in English
9. Mocking the Mundane: Collection of Essays in English
10. The Parashuram Myth and Brahminical Historiography in Goa (English)
11. Olpakxor: kothnam ani kounam (Konkani)
12. Arvil'lea vicharovixvantole bonddkhor: 10 chicharount ani tanche vichar (Konkani)
13. Srizonosomvosaracho harso: somvsarik sahiteacher nibond (Konkani)

Lipeantoronn Zal'lim Pustokam
1. Sisifos tengxer: Konkani kovitasongroh (kon'nodd)
2. Nirvasit yatrichi bhounddi (kon'nodd)

e-Books
Sisifos Tengxer: Konkani Kovitasongroh (2021)

• 100 poros chodd vingodd vingodd ontororaxttri-i ani bharti-i bhaxantlea kovitancho Konkanint onnkar.
• poinnari onkachea kovi hokk ani man, mhoineacho kovi bhouman mellil'lea kovitancher porikxonnam

Puroskar: 
Sisifos Tengxer (kovita songroh): 
• Konkani okademicho rajy Puroskar (2018)
• Konkani bhaxa monddllacho rok barretto Puroskar (2018)
• Vishwa Konkani Kendrancho Vimala Pai Puroskar (2021)
Mukt Chinton (Nibondh Songroh):
• Konkani okademicho rajy Puroskar (2024) 
Mubomycho Vepari (Onnkar):  
• Konkani Bhaxa Monddllacho Puroskar (2024) 
Nirvasit Yatrichi Bhounddi  
• Ashawadi Prakashanacho Denis Dcunha Smarok Kannad Lipeantoronn Puroskar (2025)

All 9 pages by this writer

More from Shailendra Mehta

More in Poinnari

Everything in Poinnari