ಕವಿತಾकविताPoem

Voullig

[Kovita]

[Kovita] Voullig

Tum borem nhestai tor tuka lok ’dakounni korta’ mhonnon khoddi kaddtolo. Tum sadem nhestai tor tuka ’gorib vo konzus’ mhonnon khoddi kaddtolo. Tum kuddint motto distai tor tuka ’allxi’ mhonnon khoddi kaddtolo. Ani tum kuddint barik aschi tor tuka ’piddest’ mhonnon khoddi kaddtolo. Var‍yar ubhchea pixea kholiamporim.. Somajecheo jibo oxeoch. Hea kovitent osoleach jibenchi opurbhayen ollok kel'li dison yeta.

[Kovita] Voullig

A picture from the Poinnari archive that nobody has described yet.

Tarik vinchli, kagdam chhaplim,

voulleanchi lamb pott'tti boroili;

thoddeank, ghora boglak vochon voullig sangli,

poixileank fonar, WhatsApp-ar khobor dili.

Hozar rattaullim modhem thoddim namvam chukon gelim,

’tankam sanglam, amkam sangonkna’, lokamni xinn ucharli;

’amchem ek ghor chodd zalengai?’ ekli duram sangalagli,

’pois vechem konnem? sanganat‌l'lem borench zalem’, anyekli sonddi pinttailagli.

’itlea bhongak sangchem kiteak?’ vattsopar amontronn polleun ucharlaglo,

’tondda utrak sangon gela’, khobrevinnem teganchem kazar kel'lo dursalaglo;

’mhaka protyek sangonk na’, bapleachi bail purpurlagli,

’apoileari hamv vochana’, porum zhogoddleli bhavoz mhonnali.

Kazar somplem vhodda god'dallayen,

lok ayil'lo mattovo bhorn;

xabhaski ucharli thoddeach zonnan,

’bexttem poiso vibhadd’, heram pott bhorn gelim tthika korun.

(**Voullig/Voullik: Invitation, especially wedding invitation

Sonddi: Face

Pinttai: Sqeeze

Bhongak: With great difficulties)

[Apr, 2026]

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

Ancita Oshin DSouza

ಆನ್ಸಿಟಾ ಒಶಿನ್ ಡಿಸೋಜ್: ಮೂಡ್‌ಬೆಳ್ಳೆಚೆಂ ತಾಲೆಂತ್, ಬಿಕೊಮಾಂತ್ ರೇಂಕ್ ಆಪ್ಣಾಯ್ಲಾಂ, ಸಾಂ.ಲುವಿಸ್ ಕೊಲೆಜಿಚ್ಯಾ ಕೊಂಕಣಿ ಸಂಸ್ಥ್ಯಾಥಾವ್ನ್ ಪಿಜಿ ಡಿಪ್ಲೋಮಾ ಕರುನ್ ಚಾರ್ಟಎರ್ಡ್ ಎಕೌಂಟೆಂಟ್ ಜಾವ್ನ್ ’ExxonMobil’ ಕಂಪ್ಣೆಂತ್ ಕಾಮ್ ಕರ್ನ್ ಆಸಾ. ಫಿರ್ಗಜ್ ಪತ್ರಾಂನಿ ಸುರ್ವಾತ್ ಕರುನ್ ಕೊಂಕಣಿ ನೆಮಾಳ್ಯಾಂನಿ ಸಯ್ತ್ ಲೇಖನಾಂ, ಕವಿತಾ ಬರಂವ್ಚಾ ಹಿಚೆಂ ಪಯ್ಲೆಂ ಕವಿತೆಚೆಂ ಪುಸ್ತಕ್ ’ತಾಳೊ’ ಪರ್ಗಟ್ಲಾಂ.

All 3 pages by this writer