ಕವಿತಾकविताPoem

Sobhannam (- Ancita Oshin DSouza)

[kovita] Sobhannam (- Ancita Oshin DSouza)

Dis gel'leporim samajik madhyomachea probhavan monxan opli jinni toxench somskriti soit ek viddombon koxem kelam. Motik ayil'lem, tall-mull natlem opnnaunko vechem ek fexon koxem korn ghetlam. Ani dakounnechea viporeasant kaim il'li somzonni ascho lok hea sobhannamni hazor zait zalear hea hozar-lakhamni ghemvn ayil'leank utt-bos korn dimvchi soza kaim utramvchi nhoi. Hankai bud na ani hanka to hozaramni-lakhamni dimvchank koxi-i na. Punn hea duddvachea gorvan ho bhongostoll korcho konnachea sukhak mholl'llem sorvespor devo soit nennastolo.

Ancita Oshin DSouza, Moodubelle-chem ek Konkonni talent, Bolliyechea firgoz potracher borounko survat korun uprant nemalleamni toull toull lekhonam, kovita boroun ailam. B.Com-ant dhavem rank hinnem apnnailam, Sam.Luvis College-chea Konkonni somstheathaun konkonnicher snatokot'tor diploma apnnailam, C.A.(Chartered Accountant) zaun ’Delloitte’ kompnnent kam' korn asa. Hichem poilem kovitechem pustok ’Tallo’ hech vorsant lokarponn zala. Bai ansitta thaun konkonni sahitik xetant boro fuddar axetam.

[kovita] Sobhannam (- Ancita Oshin DSouza)

Sobhannam

Vixal dor‍yachea toddir,

kar‍yachi ek manchi sobhta;

xant nixxobd tollar,

beandda vajpacho nad gajta;

apleanchench salantolem kar‍yem lekinasotam,

‘bich soidda’chea sobhannak lok pauta;

somsokriti mannsugi dekanasotam,

‘vesottrn’ podanchea tallak nachta;

koslo olonkar, koslem addombor,

karyem nirvahok‌cho lakhamni vhor‍ta;

yothexott jevann, margayechem piun,

lok dhadoxi, tallio pett'ta;

salant cholta karyem dosture prokar,

bichant ’iventt pleanora’chench kar‍bar;

fuddlem zoddem sontosan ghoraxim mettam kaddta,

dorea degechem, sombhroman bongleak cholta;

sovea mhoineant modhyom' zoddem,

dorea veller modhur ghoddio khorchita,

tech rever login zal'lem girest zoddem,

koddti salant vegllacharak zhogddota!

- Ancita Oshin DSouza. [Apr, 2025]

Ansitta Oshin DSouza: Moodubelle-chem talent, B.Com-ant Rank apnnailam, Sam.Luvis College-nt Konkonni Somstheathaun PG Diploma korun Chartered Accounrant zaun ’Deloitte’ kompnnent kam' korn asa. Firgoz potramni survat korun konkonni nemalleamni soit lekhonam, kovita boromvcha hichem poilem kovitechem pustok ’Tallo’ porgottlam.

About the writer

ಆನ್ಸಿಟಾ ಒಶಿನ್ ಡಿಸೋಜ್

All 3 pages by this writer

Sobhannam (- Ancita Oshin DSouza)

More from ಆನ್ಸಿಟಾ ಒಶಿನ್ ಡಿಸೋಜ್

Voullig (- Ancita Oshin DSouza)

Mhaka Bhuk Laglea (- Ancita Oshin DSouza)

Rosteadegechem ful [Diana Sharal Lobo]

Ken'nam punni utt'teleat ... (- Wilma Bantwal)

ಎಕಾ ಫೊಂಡಾಚಿ ಕಥಾ