ಕವಿತಾकविताPoem
Mhaka Bhuk Laglea (- Ancita Oshin DSouza)
[kovita] Mhaka Bhuk Laglea (- Ancita Oshin DSouza)
Eka Kovichi mullavi zovabhdari kosoli? bhat
kanddlear tandu zata mholl'llem somajent sogllo
zanna dekun tinch utram boromvcho kovi zatakai?
ekamekacho mog kora, bori jinni jieya mholl'lle
upades horyeka aitara padrichea xermavamni
aikotamv, ani hinch utram boromvcheak kovita
mhonntat? kovichi mullavi zovabhdarich somajen
chintunk sokanaschem kovin svota chintchem ani
soval korchem. Hea sovalamni somajechea lokak
(mot aschea) chintunk korchem. Hi kovita vachun
hi bhuk koslikai mhonntastam motint yad yeta ’Mhojea
ghorant bhara zotam, hamv matr magon khatam’.
Somajechea oxir chintpachea porinnaman koxem
amim duraxa ani oblexant amchebhitor aminch
pokoll zaun jieun asamv mholl'lleacher bhovo
opurbhayen arso dhorchi kovita hi.
Bai
Ancita yedollch konkonni kovitaxetant ollkichem
zalam. Osoleo kovita khorench zaun tichea
kovitapoinnar sobhar obhimanink lagim haddunk
korchant noval na. Choddtik somzonk hi kovita
vachunk tukach ulo ditam.
[kovita] Mhaka Bhuk Laglea (- Ancita Oshin DSouza)
Mhaka Bhuk Laglea
Mhaka bhuk laglea, pott bhorn
jeuleari bhuk thambli na! Dhadoxi jevann
randlam punni, aniki ruchik astem mholl'lli
bhuk! Nidonk zaitim kuddam asat tori, voir ani don asaje mholl'lli bhuk! Ghorchea angnnant ek gaddi raulea tori, sezarea sarki aniki vhodd asaje mholl'lli bhuk! Bhangar ghalunk mon oppana tori, 'korn
dourlear gorz poddot' mholl'lli bhuk! Ghor khorchak hat bhorn samball asleari, sezarni pras chodd mhaka mellaje mholl'lli bhuk! Gamvchea salant ghorchem karyem borean
sompoilem tori, raullerant kel'lem tor aniki
sobhtem mholl'lli bhuk! Mhaka bhuk
laglea, pottachi bhuk tor, jevo l'lench
thambti; Punn bhuk mhoji duddvachi,
podvechi, sompot'techi, kedinch thambanastam
chodd ch zamvchi bhuk ti... Naka khann
na, jevann na, bhangra fonddant purleari, ti
bhuk thambchi na...
- Ancita Oshin DSouza. [Oct, 2025]
Ansitta Oshin DSouza: Moodubelle-chem talent, B.Com-ant Rank apnnailam, Sam.Luvis College-nt Konkonni Somstheathaun PG Diploma korun Chartered Accounrant zaun ’Deloitte’ kompnnent kam' korn asa. Firgoz potramni survat korun konkonni nemalleamni soit lekhonam, kovita boromvcha hichem poilem kovitechem pustok ’Tallo’ porgottlam.
ಕವಿತಾकविताPoem Apr 2026
Voullig (- Ancita Oshin DSouza)
ಕವಿತಾकविताPoem Apr 2025
Sobhannam (- Ancita Oshin DSouza)
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.