ಕವಿತಾकविताPoem
Protibimb
Monis jednam oplea saullesovem va oplea bhitorle vektisove jednam somvad korunk sokta - tednanch to zannto zata. Ani hem solisayechem chintop nhoi. Hea kovitent toryi sonkirnn imajyenk suttoun somzunchem preton kelear zaiteo kannyo amkam aikunk melltat mhonncheant dubhavo na.
Bab Udoi Mambro gõycho ek namnnecho kovi, vauraddi toxench konknni mogi. Hache don buk ’hai saibha’, ’monxachea sodhant’ porgott zaleat.
Protibimb
tujea mannkulea paulamni
ghorak thakai dili
ghorachi zomin, tizule, sopnnam
ghoracho bhar asa khandar
tem khinnbhor visrunk pauli
ghoran aplim daram, zonelam
xekanoxek ugti keli
tujea khellantoli zonauram
jiti jivi zaun
salbhor vaurunk lagli
ghorache vonnttik legit
astat khoim kan
tujea luddbea avazakodde
ghorache soglle kan lagle
bakiche avaz aikupak
ghorache kan bosle
khup vorsam ghoran
rong pollounk naslo
tumve vonnttir bhirkottaun
vonnttink jivo haddlo
ghor atam bhul'lusolam
ghor polloi dhadosolam
tujea rupan ghoran
aplem protibimb polloilam
- Udoi Norsimh Mhambro - Gõy [March, 2018]
Udoi mambro: gõycho ek namnnecho lekok, kovi, vauraddi toxench podam ghoddnnar. ’hai saibha’, ’monxachea sodhant’ hache edoll porgott zal'le buk.
© 2018 ಗೊಂಯ್ · ASHAWADI PROKAXON All rights reserved.
ಕವಿತಾकविताPoem Mar 2018
Bhurgemponn
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.
Comments
No comments yet. Be the first to say what you thought of it.
Leave a comment