ಯಾದ್ 'ಗೊ ತುಜಿ ಯೆತಾ........ (- ಕಲ್ಪೇಶ್ ವೆರೆಂಕಾರ್)

[ಕವಿತಾ] ಯಾದ್'ಗೊ ತುಜಿ ಯೆತಾ........ (- ಕಲ್ಪೇಶ್ ವೆರೆಂಕಾರ್)

ದರ‍್ಯಾವೆಳೆರ್ ಚಡ್ತಾವ್ ಜಾವ್ನ್ ಮನಿಸ್ ಅಪ್ಲೊ ಮೋಗ್ ಯಾದಿಕ್ ಹಾಡತಾ ವ ಪ್ರೇಮಿಕ್ ವ್ಹರುನ್ ಮೊಗಾಚಿ ಉಚಾರ್ಣಿ ಕರ್ತಾ. ಹಾಂಗಾಸರ್ ಏಕ್ ಪ್ರೇಮಿ ಆಸಾ, ತೊ ದರ‍್ಯಾವೆಳೆರ್ ಸಾಂಡುನ್ ಗೆಲ್ಲ್ಯಾ ಮೊಗಾಚಿ ಯಾದ್ ಹಾಡುನ್ ಅಪಲ್ಯಾ ಜಿವಿತಾಚ್ಯಾ ಶೆವೊಟಾಂತ್ ವೆಗಳಿ ವಾಟ್ ಧರ್ಚೆಂ ಚಿಂತಪ್ ದಿತಾ.

[ಕವಿತಾ] ಯಾದ್'ಗೊ ತುಜಿ ಯೆತಾ........ (- ಕಲ್ಪೇಶ್ ವೆರೆಂಕಾರ್)

ಯಾದ್ ಗೊ ತುಜಿ ಯೆತಾ........

ಬಸ್ತಾ ಹಾಂವ್ ದರ್ಯಾದೆಗೆರ್ ಜೆನ್ನಾ

ನದ್ರೆಂಮುಖಾರ್ ಯೆತಾ ತುಂ

ಕಿತ್ಲೆಂಯ್ ನದ್ರೆಂಆಡ್ ವೆಲ್ಯಾರ್

ದೊಳ್ಯಾಂತಲೆ ಮ್ಹಜೆಂ ವಚ್ನಾ ತುಂ

ಅಶೆಂ ಕಶೆಂ ಜಾತಾ ಹೆಂ

ಅಜೂನ್ ಮ್ಹಾಕಾ ಕಳ್ನಾ

ಮ್ಹಾಕಾ ಸೊಡೂನ್ ಜಾಲಿ ವರ್ಸಾ

ಪೂಣ್ ತುಜೆರ್ ಹೊ ಮೊಗ್ ಕಮಿ ಜಾಯ್ನಾ

ತುಜೆಂ ತೆ ಕಾಜ್ಳಿ ದೊಳೆ

ಅಜೂನ್ ಘಾಲ್ತಾ ಭುರಳ್ ಮನಾಂತ್

ತುಜೆ ತೆ ಲಾಂಬ್ಚೆ ಲಾಂಬ್ ಕೆಂಸ್

ದಿಸ್ತಾತ್ ಗೆಲ್ಯಾ ಆತ್ತಾ ತೊಂಡಾವೆಲ್ಯಾನ್

ತುಜಿ ತಿ ಮೊಗಾಚಿ ಉತ್ರಾಂ

ಕಸಾರಖಿ ತೊಪ್ತಾ ಮ್ಹಜ್ಯಾ ಕಾಳ್ಜಾನ್

ಪೂಣ್ ಉತ್ರಾಂಕ್ ತ್ಯಾ ದಿವಂಕ್ ಆಕಾರ್

ಕೊಣೂಚ್ ನಾ ತುಜ್ಯಾ ರುಪಾನ್

ಕಶೆಂ ನಕ್ಳತ್ ಗೆಲೆಂ ತುಂ

ಹೆಂ ಮ್ಹಾಕಾ ಅಜೂನ್ ಕಳ್ನಾ

ಸಮ್ಜೂನ್ ಘೆವ್ಪಾಚೊ ಯತ್ನ್ ಕೆಲೊ

ಪೂಣ್ ಯತ್ನಾಕ್ ಫಳ್ ಆಯ್ಲೆಂ ನಾ

ಆತಾಂ ಕಾಡ್ಟಾ ಜಿವಿತ್ ಸಂವ್ಸಾರಾಂತ್

ಅರ್ಥ್ ನಾ ಹ್ಯಾ ಜಿವಿತಾಕ್

ಸೊಡೂನ್ ದಿಲಾ ಸಗ್ಳೆಂ ಹಾಂವೆಂ

ತುಜೆಕಡೆನ್ ಸಾಸ್ಣಾಚೊ ಯೆವ್ಪಾಕ್...

- ಕಲ್ಪೇಶ್ ವೆರೆಂಕಾರ್. [ಅಕ್ಟೊಬ್ರ್, 2020]