ಶೀಣ್ (- ಅತಿಶಾ ಸುರ್ಲೇಕರ್)

[ಕವಿತಾ] ಶೀಣ್ (- ಅತಿಶಾ ಸುರ್ಲೇಕರ್)

ರಿತೆಪಣಾಲ್ಯಾ ದಿಸಾಂನಿ ಜೆದ್ನಾಂ ಆಶೆಚಿ ಆಂಕ್ರಿ ಫುಟುನ್ ಉಪ್ರಾಂತ್ ತಿ ಅಂಕ್ರಿ ಕಶಿ ಫಾಂಟೊ ಜಾತಾ ಆನಿ ಅಛಾನಕ್ ತೊ ಫಾಂಟೊ ಪರತ್ ಫುಲುಂಕ್ ಆಸ್ಚೆ ವೆಳಾರ್ ಪಾಳಾಂಚೆರ್ ಕುರಾಡ್ ಪಡುನ್ ಪಾಳಾಂಚ್ ಸುಕ್ತಾತ್ ತೆದ್ನಾಂ ತ್ಯಾ ಫಾಂಟ್ಯಾಚಿಂ ಸ್ವಪ್ಣಾಂ ತರ್‌ಯೀ ಕಶಿಂ ಜಾಯ್ತ್? ಸೊಭಿತ್ ಚಿಂತ್ಪಾಚಿ ಕವಿತಾ.

[ಕವಿತಾ] ಶೀಣ್ (- ಅತಿಶಾ ಸುರ್ಲೇಕರ್)

ಶೀಣ್

ರಿತ್ಯಾ ಪಾಯಾಂಕ್ ಮ್ಹಜ್ಯಾ

ಆಶೆಚಿ ಘಾತ್ಲಿ ಪಾಯ್ತಣಾಂ

ಮಾಯೆಚೆ ಘೂಂಗ್ರು ಗೂಂತೂಂನ್

ಗಾಂಠ್ಲಿ ಪಾಂಯ್ಜಣಾಂ...

ಅರ್ಧೆಕುಟ್ಯಾ ವಾಟೆರ್

ತಾಕಾ ಪಿರಂಗಣೆಚಿ ಧಾಪ್ ಮಾರ್ಲಿ

ಹಾತ್ ಮ್ಹಜೊ ವಿಸ್ಕಳೀತ್

ಪಾವ್ಲಾಂ ತಾಚಿ ಲವಂಡಲಿ..

ಅಚ್ಕಿತ್ ಘಂಗ್ರು ವಿಸಕ್ಳ್ಳೊ

ಕಾಳ್ಜಾಕ್ ಧೊಂಗ್ಸೊ ಬಸ್ಲೊ

ಮನಾಂತ್ ನಕ್ಳತ್ ಮ್ಹಜ್ಯಾ

ಹುಸ್ಕೊ ಕಾಳಾಚೊ ರಿಂಗ್ಲೊ..

ಚಡ್ಟಿ - ದೆವ್ತಿ ಬೆಣೀತ್

ಧೀರಾಚಿ ವಳ್ಣಾಂ ವಿಣೀತ್..

ವಾಟ್ ಖುಬ್ ಚಲ್ಚಿ ಆಸಾ

ಎಕ್ಮೆಕಾಂಚಿ ಸಮ್ಜೂತ್ ಕಾಡೀತ್..

ಮನಾಂತ್ ಪಾಲ್ ಚುಕ್ಚುಕಲಿ

ದೊಳ್ಯಾಂತ್ ದುಕಾಂ ತಿಕ್ತಿಕಲಿ

ತಾಚಿ ತಿರ್ಸ್ಕಾರಿ ನದರ್

ದೊಳ್ಯಾಂನಿಂ ಮ್ಹಜ್ಯಾ ಪಾರ್ಖೀಲಿ..

ಅರ್ಧಕುಟೆ ಚಡ್ಟೆರ್ ಪಾವ್ತಾಂಚ್

ತಾಣೆ ಸಪ್ನಾಂ ನವಿ ರಂಗಯ್ಲಿ

ತ್ಯಾ ರಂಗ್ಯಾಳ್ಯಾ ಸಪ್ನಾಂತ್

ಸಾಗಾಂತಿ ನವಿ ವೆಂಚ್ಲಿ...

ಹುಸ್ಕಾರ್ ಸೊಡೀತ್

ಪಾವ್ಲಾಂ ಮ್ಹಜಿ ಥೀರಾವ್ಲಿ,

ಪಾಂಯಾತಲಿಂ ಪಾಂಯ್ತಣಾಂ ಭಂಗ್ಲಿ

ಪಾಂಯ್ಜಣಾಂ ಕೊಚ್ಲಿಂ...

ಪುರಾಯ್ ಸಪ್ನಾಂ ರಂಗೊವ್ನ್

ಅಪುರಿ ಕಶಿ ಉರ್ಲಿ?..

ರಿತಿಂ ಪಾವ್ಲಾ ಮ್ಹಜಿ

ಶೀಣತ್ ತುಕಾ ಬಸ್ಲಿಂ

- ಅತಿಶಾ ಸುರ್ಲೀಕಾರ್. [ಸಪ್ತೆಂಬ್ರ್, 2020]