Vidhvonxi korona (- Aishwarya Malik)

[kovita] Vidhvonxi korona (- Aishwarya Malik)

Konnacheach dolleank disanaschem ek lhan voiros koxem somsarantlea bollixtt raxttrank soit dimbier gollounko laglem ani gamvar gamv monxachim moddim nidaunko paulem. Ani hea vidhvomsak lagun jieun ascho monis kitem lisamv xikunk paulo mholl'llem soval hea kovitechi patth‌bhum-i.

[kovita] Vidhvonxi korona (- Aishwarya Malik)

Vidhvonxi korona

dhortorenchea angar poddla

mel'lea moddeancho paus

paulam konnkonni foddfoddun

zo to soddit chol'la svas

bhuyenchea pottamn gojgozota

monis masachom vas

hea koronan lailo

akhkha zogacho vidhvoms

zoi thoi dhuddgus

ani hahakar

dukanche vhall vhauta

nati zata niradhar

eka eka jivacho

gheyt chol'la ghat

hea koronan lailo

akhkha zogacho vidhvoms

mel'li moddhi

mosnnan nhidlea

tattatutt zal'li monam

duHkhon buddlea

monxeachea nakam,tonnam,dolleatlean

mellon suvat

hea koronan lailo

akhkha zogacho vidhvoms

duddvachem bajjer nhidpi

zomnir volloullota

mayencho monis

hat lauk bhienta

dhenga thorthor kapoupi

bhoyann raksancho ovtar

hea koronan lailo

akhkha zogacho vidhvoms

vikhalle vauttollin

vettall'lea zori ami

sangat ekmakancho soddi nakant

soglean vhodd monisozati

kitloi gheuni samvar

hea koronacho ekdis

lagtolom vidhvoms.

- Aishwarya Malik. [Jun, 2020]