ವಿಧ್ವಂಶಿ ಕರೊನಾ (- ಐಶ್ವರ್ಯ ಮಲಿಕ್)

ಮೆಲ್ಲ್ಯಾ ಮಡ್ಯಾಂಚೊ ಪಾವ್ಸ್

ಪಾವ್ಲಾಂ ಕಣ್ಕಣಿ ಫಡ್ಫಡೂನ್

ಜೊ ತೊ ಸೊಡೀತ್ ಚಲ್ಲಾ ಸ್ವಾಸ್

ಭುಯೆಂಚ್ಯಾ ಪೊಟಾಂನ್ ಗಜ್ಗಜತಾ

ಮನೀಸ್ ಮಾಸಾಚೊಂ ವಾಸ್

ಹ್ಯಾ ಕರೊನಾನ್ ಲಾಯ್ಲೊ

ಆಖ್ಖಾ ಜಗಾಚೊ ವಿಧ್ವಂಸ್

ಜಯ್ ಥಯ್ ಧುಡ್ಗೂಸ್

ಆನಿ ಹಾಹಾಕಾರ್

ದುಕಾಂಚೆ ವ್ಹಾಳ್ ವ್ಹಾವ್ತಾ

ನಾತಿ ಜಾತಾ ನಿರಾಧಾರ್

ಎಕಾ ಎಕಾ ಜಿವಾಚೊ

ಘೆಯ್ತ್ ಚಲ್ಲಾ ಘಾತ್

ಹ್ಯಾ ಕರೊನಾನ್ ಲಾಯ್ಲೊ

ಆಖ್ಖಾ ಜಗಾಚೊ ವಿಧ್ವಂಸ್

ಮೆಲ್ಲಿ ಮೊಢಿ

ಮಸ್ಣಾನ್ ನ್ಹೀದ್ಲ್ಯಾ

ತಾಟಾತೂಟ್ ಜಾಲ್ಲಿ ಮನಾಂ

ದುಃಖನ್ ಬುಡ್ಲ್ಯಾ

ಮನ್ಶ್ಯಾಚ್ಯಾ ನಾಕಾಂ,ತೊಣಾಂ,ದೊಳ್ಯಾತ್ಲ್ಯಾನ್

ಮೆಳೊನ್ ಸುವಾತ್

ಹ್ಯಾ ಕರೊನಾನ್ ಲಾಯ್ಲೊ

ಆಖ್ಖಾ ಜಗಾಚೊ ವಿಧ್ವಂಸ್

ದುಡ್ವಾಚೆಂ ಬಾಜ್ಜೆರ್ ನ್ಹೀದ್ಪಿ

ಜಮ್ನೀರ್ ವಳವ್ಳತಾ

ಮಾಯೆಂಚೊ ಮನೀಸ್

ಹಾತ್ ಲಾವ್ಕ್ ಭಿಯೆಂತಾ

ಧೆಂಗಾ ಥರ್ಥರ್ ಕಾಪೊವ್ಪಿ

ಭಯಾಣ್ ರಾಕ್ಸಾಂಚೊ ಅವ್ತಾರ್

ಹ್ಯಾ ಕರೊನಾನ್ ಲಾಯ್ಲೊ

ಆಖ್ಖಾ ಜಗಾಚೊ ವಿಧ್ವಂಸ್

ವಿಖಾಳೆ ವಾವ್ಟಳೀನ್

ವೆಟಾಳ್ಲ್ಯಾ ಜರಿ ಆಮಿ

ಸಾಂಗಾತ್ ಎಕ್ಮಾಕಾಂಚೊ ಸೊಡಿ ನಾಕಾಂತ್

ಸಗ್ಲ್ಯಾನ್ ವ್ಹಡ್ ಮನೀಸಜಾತಿ

ಕಿತ್ಲೊಯ್ ಘೆವ್ನಿ ಸಾಂವಾರ್

ಹ್ಯಾ ಕರೊನಾಚೊ ಎಕ್ದಿಸ್

ಲಾಗ್ತಲೊಂ ವಿಧ್ವಂಸ್.

- ಐಶ್ವರ್ಯ ಮಲಿಕ್. [ಜ್ಯೂನ್, 2020]