ಪಣ್ತಿ (- ಐಶ್ವರ್ಯ ಮಲಿಕ್)

[ಕವಿತಾ] ಪಣ್ತಿ (- ಐಶ್ವರ್ಯ ಮಲಿಕ್)

ಕಾಳೊಕ್ ಆನಿ ಉಜ್ವಾಡ್ ಮನಶಾಚ್ಯಾ ಜಿಣ್ಯೆಂತ್ ದರೇಕಾ ಸಂದರ್ಭಾಂತ್ ಗರ್ಜೆಚೊ. ಪುಣ್ ಕವಿತೆಚ್ಯಾ ನದ್ರೆನ್ ಕಾಳೊಕ್ ಆನಿ ಉಜ್ವಾಡ್ ಸಭಾರ್ ರುಪಾಂನಿ ಆಸುಯೆತಾ. ಕಾಳೊಕ್ ಮ್ಹಳ್ಯಾರ್ ಅಗ್ಯಾನ್, ಕಾಳೊಕ್ ಮ್ಹಳ್ಯಾರ್ ಸಲ್ವಣ್, ಕಾಳೊಕ್ ಮ್ಹಳ್ಯಾರ್ ನೆಣಾರ್ಪಣ್ ತಶೆಂಚ್ ಕಾಳೊಕ್ ಮ್ಹಳ್ಯಾರ್ ನಿರಾಸ್. ಮನಿಸ್ ಹೆರ್ ಜೀವಿಂಪ್ರಾಸ್ ವರ್ತೊ ಮ್ಹಣುಂಕ್ ಹೆಂ ಏಕ್ ಕಾರಣ್, ಮನಿಸ್ ಚಿಂತುಂಕ್, ಪಾರ್ಕುಂಕ್, ತಿದ್ವುಂಕ್ ಸಕ್ತಾ. ಬರೆಂ ಖಂಚೆಂ ಆನಿ ವಾಯ್ಟ್ ಖಂಚೆಂ ಮ್ಹಳ್ಳೆಂ ಸಮ್ಜುಂಕ್ ಸಕ್ತಾ. ತಶೆಂಚ್ ನಿರಾಸೆಚ್ಯಾ ವಾಟೆರ್ ಆಶಾವಾದಾಚೊ ಉಜ್ವಾಡ್ ಫಾಂಕಂವ್ಕ್ ಸಕ್ತಾ. ಹಿ ಕವಿತಾ ಹೆಚ್ ಚಿಂತ್ಪಾಚಿ.

[ಕವಿತಾ] ಪಣ್ತಿ (- ಐಶ್ವರ್ಯ ಮಲಿಕ್)

ಪಣ್ತಿ

ಕುಂಬಾರಾ ಘರಾಂತ್ ಜಲ್ಮಲ್ಯಾಂ

ಆವ್ಯ್ ಬಾಂಪುಯ್ ಮ್ಹಜೊಂ

ಜರಿಂ ಆಸ್ಲೊಂ ಗರೀಬ್

ಕಶ್ಟ್ ಸೊಸ್ಪಾಂಚಿ ತಾಕ್

ಚೀಖ್ಲಾಚ್ಯಾಂ ಹಾತಾತ್ಲ್ಯಾನ್

ಮ್ಹಾಕಾಂ ಮೆಳ್ಲ್ಯಾಂ

ಎಕ್‌ ವಾತ್ ಪೆಟ್ಯಾಂತ್

ತೀಂನ್ಸಾಂಜಚೆಂ ತೀಂನ್ಕಾತ್ರೆಂರ್

ತುಳ್ಶೀಚಂ ಫುಡ್ಯಾಂತ್

ದೆಂವಾ-ಯಾಂತ್,ದೆವ್ಳೆಂನ್

ಸೀಮೆಂವ್ಯ್ಲ್ಯಾಂ ರಾಖ್ಣದಾರಾಚ್ಯಾಂ ಘುಮ್ಟೆಂತ್

ಜರಿಂ ಹಾಂವ್ ಆಸ್ಲಿ ಗರೀಬಾಂಘರಚಿಂ

ತರಿ ಫಾಕ್ತಲಿಂ ಉಜ್ವಾಡ್ ಭಾಂಗ್ರಾಳೊಂ

ತೆಲಾಂ ತುಪಾತ್ ಕರೀತ್ ರಾವಾಂತ್

ಸದಾಂಚ್ ಮ್ಹಜೊಂ ತಾಳೊಂ ಒಲೊಂ

ತುಮ್ಕಾಂ ಜಾಯ್ ತೆಂನ್ನಾ ಪಾಡಾತ್ ಕಾಜಳ್

ಕರಾಂತ್ ತ್ಯಾಂ ಬಾಯ್ಟೀಂಚಿ ಅಪುಂರಬಾಯ್

ತ್ಯಾಂ ಸಾನ್ ಭುಂರ್ಗ್ಯಾಂಕ್ ಲಾವ್ನ್ ತೀಬೊಂ

ದಿಶ್ಟೀಂಚೊಂ ಪುಸಾಂತ್ ಅಹಂಕಾರ್

ಪೆಟ್ಯಾಂತ್ ಘರಾಂತ್ ಆಂಗ್ಣಾಂನಿ

ಉಮೆಂದೀನ್ ಮನ್ಯಾಂತ್ ದಿವಾಳಿ

ಕಾಳ್ಖಾಚೆಂ ರಾಜ್ಯ್ ಹುಪುಂನ್

ಉಜ್ವಾಡಾಚ್ಯಾಂ ಸಾಮ್ರಾಜ್ಯಾಂಕ್

ಕರೂನ್ ದೀತಾ ವಾಟ್ ಮೊಕ್ಳಿಂ

ತ್ಯಾಂ ಘರ್ಚಿಂ ಧುಂವ್ ಜರಿಂ ಅಸ್ಲಿಂ ಹಾಂವ್

ಪುಣ್ ವಾವುರತಲಿಂ

ತುಮ್ಚ್ಯಾ ಘರ್ಚಿಂ ಜಾವ್ನ್ ಲಕ್ಷ್ಮಿ

ಹೆ ತುಮ್ಕಾಂ ದೀಲ್ಲೆಂ ವಚನ್ ಮ್ಹಜೆಂ

ಪೆಟತ್ ರಾವ್ತಲಿಂ ಹಾಂವ್ ಕಾಳೊಖ್ ಚೀರೀತ್

ಉಜ್ವಾಡ್ ಕೆನ್ನಾಂಚ್ ಜಾವ್ಚೊಂನಾ ಕಮಿಂ

- ಐಶ್ವರ್ಯ ಮಲಿಕ್. [ಸಪ್ತೆಂಬರ್, 2020]