ಕವಿತಾकविताPoem
Temvuy ek cholich!! (- Monoz Norendro Kamot)
[kovita] Temvuy ek cholich!! (- Monoz Norendro Kamot)
Eka dadleak hea somsarant (bhurgem zaun yetana) zolm' dimvchi zaunasa bail. Zolmol'lem ek bhurgem vhodd zata oplea auychem dud pieun. Itlem sorv zannasunyi az amchea somajent zulum' choddun ailam eka osturecher. Zamv ti bhoinn, bail, auy vo ixttinn. Monxaponn aslo monis hem lisamv kedna xikot? kedna somzot? ani kedna pallit? opnnak mellnna mhonnun esidd marl'li choli soit konnachiki dhuv, bhoinn zoxem opnnachyoi dhuvecher, bhoinnicher oxem ghoddtona ami koxem bhogtamv mholl'llem chintop chintunk sokanasole monis khorench zaun monis mhonnunk favo? hech chintpabhomvarim vinnloli kovita gheun oyla bab monoz kamot. Hea kovitentlea her vicharancher attovo korunk tumkanch soddtam.
[kovita] Temvuy ek cholich!! (- Monoz Norendro Kamot)
Temvuy ek
cholich!
apnnak
mellna mhunn esidd maril'lem temvuy ek cholich
aslem auychem tem sopon bapaichem moga dalon
aslem aiz tacho chehro vollkhunk kotthinn
zal'lo soundry laxil'lem kalliz tollmollil'lem sobit mukhamoll
zollil'lo ovichariponnak bolli
poddun aiz konnakuch tem naka
aslem polloitleache nodrek
chukoitalem nodruy mud'dam'
chuktali ochlloi chukil'leuri tem fuddar xennoun
boxil'lem atmovixvasuy
vogddaul'lo kaim vorsam oxinch gelim xennun ujvaddan legit kallokh sosun vat diveachi pettlich
na sasai ujvadd zaloch na aiz tamnnem novo mag
kaddil'lo chitram rongounk tem
xiklem doddil'leo bhauna
uktaunk xiklem tem chitrancho mog
kortalem aplo mog thoim
sodtalem tacho somazauyolo
vixvas uddil'lo somazakhatir khellnnem
manil'lem tem hollu hollu jieunk
xiklem vdex dhogdhogil'lo
jirounk xiklem dekhnnem, nodrek
xirkaupi somazak dekh divonk
xiklem ! mornnantlean bhair
sorun tem zoguk sodtalem somazachi
vicharosoronni bodlunk sodtalem vikhar soundreant
naxil'lo vikhari nodrent
norachea vikhar madivixim
matil'lo ek jinn sasnnachi vikhari korun soundreachi sonklpona
bodlun tem lokank bodlunk
xoknasolem tannem apnnakuch bodlopacho yotn kel'lo dekh divn herankhatir mhoje, tuje,
soglleankhatir hi mansik kidd atam torim sompunk zai vikritintlean bhair
sorun osturechem mon ani
ibhrot zoppak dadlean xikunk
zai
- Monoz Norendro Kamot. [Dec, 2019]
Monoz Norendro Kamot: Pattlea vis vorsam thaun konknnent borpam boromvcho bab monoz norendro kamot vrit'ten pradheapok zaun goyant vosti korun asa. ’Tambxi’, ’Novidadichem Xikop’ (xikxok, palok ani vidhearthim khatir), ’Konknni’ (vidhearthinkhatir xoikxonnik adharaull), ’Rongfoll', 'Atmo-Brohmo’ hache yedoll porgottl'le buk. Kovitenk sobhar inamam/puroskar haka labhleat.
ಕವಿತಾकविताPoem May 2020
Mhozo ovtar somptolo (- Manoj Narendra Kamat)
ಕವಿತಾकविताPoem Mar 2020
Domo arigato (- Manoj Narendra Kamat)
ಕವಿತಾकविताPoem Feb 2020
Mekllikoyatra (- Monoz Norendro Kamot)
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.