ಕವಿತಾकविताPoem

ಮೆಕ್ಳೀಕಯಾತ್ರಾ (- ಮನೋಜ್ ನರೇಂದ್ರ ಕಾಮತ್)

[ಕವಿತಾ] ಮೆಕ್ಳೀಕಯಾತ್ರಾ(- ಮನೋಜ್ ನರೇಂದ್ರ ಕಾಮತ್)

ಹ್ಯಾ ಸಂಸಾರಾಂತ್ ಜಿಯೆವ್ನ್ ಆಸ್ತಾ ಪರಯಾಂತ್ ಮನಶಾಕ್ ಸುಕ್ ದೂಕ್ ಸೊಸುಂಕ್ ಆಸಾ, ಬರೆಂ ವಾಯ್ಟ್ ಪೆಳೆಂವ್ಕ್ ಆಸಾ, ಆಶಾ ನಿರಾಶಾ ಭಗುಂಕ್ ಆಸಾ ಪುಣ್ ಜೆದನಾಂ ಆಧ್ಯಾತ್ಮಕ್ ಚಿಂತಪಾನ್ ಹೆಂ ಜಿವಿತ್ ಪಳೆಂವ್ಕ್ ಧರತಾನಾ ಹಿಂ ಸರ್ವ್ ಭಗಣಾಂ ಕ್ಷಣಿಕ್ ವಾ ಥೊಡ್ಯಾಚ್ ವೆಳಾಚಿಂ ಮ್ಹಣುನ್ ಭಗತಾ. ಹಾಂಗಾಸರ್ ಹ್ಯಾ ಚಿಂತಪಾಚೆರ್ ಘಾಲ್ಲೊ ಅಪುರ್ಭಾಯೆಚೊ ನಿಯಾಳ್ ಆಮಿ ಪಳೆವ್ಯೆತಾ.

ಬಾಬ್ ಮನೋಜ್ ಕಾಮತ್ ಏಕ್ ಉಂಚ್ಲೊ ಕವಿ ಮ್ಹಳ್ಳೆಂ ತಾಚಿಂ ಎಕೇಕ್ ಕವಿತಾ ಗವಾಯ್ ದಿತಾತ್. ಹಾಂಗಾಸರ್ ಸಯ್ತ್ ತಾಣೆಂ ಕೆಲ್ಲೆಂ ಪ್ರಯತ್ನ್ ಆಮಿ ಪಳೆವ್ಯೆತಾ. ಆತಾಂ ಹೆಂ ಪಳೆಂವ್ಕ್ ತುಕಾಚ್ ಆಪವ್ಣೆಂ ದಿತಾಂ.

[ಕವಿತಾ] ಮೆಕ್ಳೀಕಯಾತ್ರಾ(- ಮನೋಜ್ ನರೇಂದ್ರ ಕಾಮತ್)

ಮೆಕ್ಳೀಕಯಾತ್ರಾ

ಮಾಯೆಚೆ ಪಾಸ್ ಘುಸ್ಪತ್ ವತಾಲೆ

ತೊ ಶಿರ್ಕತ್ ವತಾಲೊ

ಧಾಗ್ಯಾಂಚೆ ಗಚ್ಚ್ ವಿಣೆನ್

ವರ್ಸಾಂ ಪಿರಾಯೆನ್ ವಾಡ್ಲಿಂ ಜಶಿಂ

ಜಾಣ್ಟಿಂ ನಾತಿಂ ಶೆಣ್ಲಿಂ

ಧವ್ಶಾ ಸಾವ್ರಿ ಕುಪಾಂನಿ

ಉಜ್ವಾಡ್ ಕಾಳ್ಖಾಚ್ಯಾ ಖೆಳಾಂತ್

ನವ್ಯಾ ನಾತ್ಯಾಂನಿಂ ಕೊಂಬ್ ಧರ್ಲೊ

ಪೊಪ್ಟಿ ರಂಗಾ ತಾಂಬ್ಶಾ ಕೊಂಬ್ರ್ಯಾಂನಿ

ಎಕ್ ದೀಸ್ ಅಚ್ಕೀತ್

ತೊಚ್ ಶೆಣ್ಲೊ

ಜಿಣೆ ಪಲ್ತಡ್ಚ್ಯಾ ಅಮರ್ತ್ವಾಂತ್

ಉಗ್ಡಾಸ್ ಉರ್ಲೆ ಕಾಂಯ್ ಖೀಣ್

ಕಾಳ್ಜಾಂತ್ ಭುಗ್ಭುಗಪಿ

ಸರ್ಣಾ ಕೊಳ್ಶಾಂನಿ

ಹಿ ಕುಡೀಚಿ ವಾನ್ಸಾ

ಸೂಖ್ ಸೊದ್ಪಿ, ಖೊಸ್ ಮನೊವ್ಪಿ

ದೊಳೆ ಲಖ್ಲಖಾವಪಿ ಧಾದೊಸಕಾಯೆನ್

ದೂಕ್ ಗಳೊವ್ಪಿ ದುಖಾಚೆ ಆಮೊರೆರ್

ಕುಡೀಚೆ ವಿತ್ರಾಗ್ - ಕಶ್ಟ್

ಮನಾಂತಲೆ ವಿಚಾರ್ ಕರೀತ್ ಭ್ರಶ್ಟ್

ಪ್ರಾಣ್ ಮಾತ್ ಜಾಲ್ಲೊ ಮುಕ್ತ್

ಕುಡೀಚೆ ಬಂದ್ಖಣೀತ್ಲ್ಯಾನ್

ಮೆಕ್ಳೆಪಣಾಚೊ ಸ್ವಾಸ್ ಘೆತ್

ಅಳಂಗ್ ಹುಬ್ತಾಲೊ

ಉಜ್ವಾಡಾ ದಿಕೆನ್

ಅಂಧೂಕ್ ಕಾಳ್ಖಾಂತ್ಲ್ಯಾನ್

ಶುಕ್ರಾಣು ಜಾವ್ನ್

ಅಂಡ್ಕೊಶಾಚೆ ಗಹನ್ ಸಾಧ್ನೆಂತ್

ಆತ್ಮಾವಿಶ್ಕಾರಾಂತ್ಲ್ಯಾನ್ ಬ್ರಹ್ಮ್ ಸಾಸಾಯೆಂತ್

ಸುಖ್- ದುಖ್ಖಾಂತ್ಲ್ಯಾನ್ ಪಯ್ಸ್

ನಾತೆಂ- ಮೊಹಾಂತ್ಲ್ಯಾನ್ ಪಯ್ಸ್

ಇತ್ಸಾ - ಆಕಾಂಕ್ಷಾಂತ್ಲ್ಯಾನ್ ಪಯ್ಸ್

ಯಾತ್ನಾಂ - ಧಗಾಂತ್ಲ್ಯಾನ್ ಪಯ್ಸ್

ಪರ್ಬ್ರಹ್ಮಾಚೆ ಯಾತ್ರೆಕ್ ವತ್ನಾಂ

ॐಕಾರಾಚ್ಯಾ ಆಕಾಶ್ಧ್ವನಿಂತ್ಲ್ಯಾನ್

- ಮನೋಜ್ ನರೇಂದ್ರ ಕಾಮತ್. [ಫೆಬ್ರೆರ್, 2020]

About the writer

ಮನೋಜ್ ನರೇಂದ್ರ ಕಾಮತ್

All 7 pages by this writer

ಮೆಕ್ಳೀಕಯಾತ್ರಾ (- ಮನೋಜ್ ನರೇಂದ್ರ ಕಾಮತ್)

More from ಮನೋಜ್ ನರೇಂದ್ರ ಕಾಮತ್

ಮ್ಹಜೊ ಅವ್ತಾರ್ ಸೊಂಪ್ತಲೊ (- ಮನೋಜ್ ನರೇಂದ್ರ ಕಾಮತ್)

ದೊಮೊ ಆರಿಗಾತೊ (- ಮನೋಜ್ ನರೇಂದ್ರ ಕಾಮತ್)

ವಾತ್ (- ಮನೋಜ್ ನರೇಂದ್ರ ಕಾಮತ್)

ಧಾಳ್ಯೊ [ಡೊ. ಝೀಟಾ ಲೋಬೊ]

ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)

ಎಕಾ ಫೊಂಡಾಚಿ ಕಥಾ