ASHAWADI PRAKASHAN ಆಶಾವಾದಿ ಪ್ರಕಾಶನ್ as long as I live, I hope
Contact us
ASHAWADI
Poinnari ಪಯ್ಣಾರಿ

ಕವಿತಾकविताPoem

Proxn - Zap naxil'lem (- Guadalupe Dias)

[kovita] Proxn - Zap naxil'lem (- Guadalupe Dias)

Jivitant doreka monoxak ek proxn sodanch sotaita; zor jivit noxvor tor, kitem asa sasonnachem va thir? ani jitlem proitn ami korotamv hea proxnachi zovab sodhunk, titlem niraxi ami zatamv punn zovab kedinch mellchina. Zovab aminch sodhunk poddota. Hech chintopachi hi kovita kaim adheatmik chintopak motint haddoita.

Bai Guadalupe Dias hicheo kovita gunddayeche orth divopacheo. Ani hea kovitent soit tinnem tench proitn kel'lem disun yetam. Atam hea kovitechi gunddai mapunk tukach soddotam.

[kovita] Proxn - Zap naxil'lem (- Guadalupe Dias)

Proxn - zap naxil'lem

Bhangrallo rong mhozo

ken'na tori uddttolo

kemsant mallil'lo zayam podd

pormoll aplo soddttolo

zalear moga sang mhaka

aiche vorim ten'nai mhojea

olsann naxil'lea dolleant

surea zaun tum buddttolo?

hatea vorim angar mhojea

surkuteancheo raxi disot

lali miroupi vonttar

fokt othehin xobd asot

zalear moga sang mhaka

adlech te umedin

sorga yede vengent tuje

titleach mogan oddttolo?

fantoddechea faichea parar

ghoddye humrear ubem moronn

kallzar tujea fator dourun

tukach zallunk poddot soronn

ten'na moga sang mhaka

dhamvpolliche jinnent tuje

ekuch khinn kuxik kaddun

mhojea mogachi khunnam koxi

yad mhoji tum kaddttolo?

- Guadalupe Dias. [Feb, 2020]

© 2020 Gvadlup Ddais · ASHAWADI PROKAXON All rights reserved.

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

Gvadlup Ddais

All 5 pages by this writer

More from Gvadlup Ddais

More in Poinnari

Everything in Poinnari