ಕವಿತಾकविताPoem

ತುಫಾನ್ (- ಗ್ವಾದಲುಪ್ ಡಾಯಸ್)

[ಕವಿತಾ] ತುಫಾನ್ (- ಗ್ವಾದಲುಪ್ ಡಾಯಸ್)

ಹ್ಯಾ ಸಂಸಾರಾಂತ್ ಮನಿಸ್ ಏಕ್ ವಿಚಿತ್ರ್ ಜೀವಿ. ಕೆದ್ನಾಂ ತೊ ಸುಕ್ ಸಮಧಾನ್ ಸೊಧುನ್ ಭಾಯ್ರ್ ವೆತಾ ತರ್ ಕೆದನಾಂ ಭಾಯ್ಲೊ ಸಂಸಾರ್ ತಾಕಾ ಪೊಕೊಳ್ ಕಸೊ ದಿಸತಾ ದೆಕುನ್ ತೆದನಾ ತೊ ಸೊಧುಂಕ್ ವೆತಾ ಭಿತರ್. ಹಾಂಗಾಸರ್ ಕಾಂಯ್ ತೆಂಪಾಥಾವ್ನ್ ಆಶೆವ್ನ್, ರಾಖುನ್ ಬೊಸ್‌ಲ್ಲೊ ಮೋಗ್ ಜೆದನಾ ಆಪಣಾಕ್ ಮೆಳತಾ ತೆದನಾ ಖರೆಂಚ್ ಉಮಾಳ್ಯಾಂಚೆಂ, ಮೊಗಾಚೆಂ ತುಫಾನ್ ಉಟತಾ.

[ಕವಿತಾ] ತುಫಾನ್ (- ಗ್ವಾದಲುಪ್ ಡಾಯಸ್)

ತುಫಾನ್

ಕಾಲ್ ಫಾಂತೊಡೆರ್ ಸುರ್ಯಾ ಪೆಟ್ಲೊ

ಚೊಯ್ ದಿಕಾನಿಂ ವಾರೊ ಸುಟ್ಲೊ

ದರ್ಯಾ ನೆಟಾನ್ ಲಾಗ್ಲೊ ಗಾಜೂಂಕ್

ಕಾಳೀಜ್ ಮ್ಹಜೆಂ ಲಾಗ್ಲೆಂ ವಾಜೂಂಕ್

ದೊಳೆ ಚೊಳೀತ್ ಪೊರ್ಸಾಕ್ ಜಾಗ್

ಜೀಬ್ ಹೆಡಾಯ್ತ್ ದಸ್ಣೀಚೆ ಲಾಗ್

ಪಾನಾಂ-ಪಾನಾಂಚೊ ಜಾಲೊ ವಾದ್

ಅನ್ಪೆಕ್ಷೀತ್ ಘಡ್ಪಾಚೊ ರಕಾದ್

ಮನಾಕ್ ಮ್ಹಜ್ಯಾ ಫುಟ್ಲೊ ಚಂವ್ರ್

ಭಾನ್ ವಿಸ್ರಲಿ ಬೊಡ್ಕಿ ಸಾಂವ್ರ್

ಖಿಣಾಂತ್ ಕುಂಪಾಂ ಆಯ್ಲಿಂ ದಾಟೂನ್

ಧರ್ತರೆರ್ ಮಳಬ್ ಪಡ್ಲೆಂ ತುಟೂನ್

ಜಿವಾಕ್ ಲಾಗ್ನಾ ಜಾಲೊ ಥಾರ್

ಪುರಾಯ್ ಸೃಶ್ಟೀರ್ ಅರಿಶ್ಟ್ ಭಾರ್

ಜನೆಲ್ ಲಾಗ್ಲೆಂ ಕವ್ಡಾಂ ಬಡೊವಂಕ್

ಸೈಮ್ ವ್ಯಸ್ತ್ ಇತಿಹಾಸ್ ಘಡೊವಂಕ್

ಸಗ್ಳೆಂ ಮ್ಹಾಕಾ ಲಾಗ್ಲೆಂ ಕಳೂಂಕ್

'ತೊ' ಆಯಿಲ್ಲೊ ಮ್ಹಾಕಾ ಮೆಳೂಂಕ್

ಆನಿ ತೆನ್ನಾ...

ಖರೆಂಚ್ ಸುರು ಜಾಲೆಂ ತುಫಾನ್!

ಎಕ್ ಭಿತರ್...ಎಕ್ ಭಾಯ್ರ್!!!

- ಗ್ವಾದಲುಪ್ ಡಾಯಸ್. [ಎಪ್ರಿಲ್, 2020]