ಕವಿತಾकविताPoem

पळयतां वाट तुजी (- काजल प्रकाश रायकर)

[कविता] पळयतां वाट तुजी (- काजल प्रकाश रायकर)

न्हंय‌च्या देगेर वाट राकून आसची चली पल्तडिच्या अपल्या मोगाक आल्तडी येवंक उलो दिताना तिचे अटेविटे आनी काळजांतले उमाळे वेक्त कर्ता.

[कविता] पळयतां वाट तुजी (- काजल प्रकाश रायकर)

पळयतां वाट तुजी

रिगलां हांव रुपांत तुज्या

फडफडटा काळीज पावलांक तुज्या

तोपता कांटे उल्यान तुज्या

खाता मन यादीन तुज्या

गोपांत घे जिवाक तुज्या

समजून घे मोगाक तुज्या

रखरखता जीण हुसक्यान तुज्या

भरल्या कान सुरांत तुज्या

व्हांवता दुख्खां नांवांन तुज्या

रावला हांव उतरांक तुज्या

एकूच कितें मागतां तुज्या लागीं

मार उडी आलतडी सावन पलतडी

बसता हांव हुमऱ्यार वाट पळयत तुजी.

- काजल प्रकाश रायकर. [एपरील, २०२०]