ಕವಿತಾकविताPoem

Oxem kitem kelem go... (- Kalpesh Verenkar)

[kovita] Oxem kitem kelem go... (- Kalpesh Verenkar)

Kovitechea ’mog, hasy, korunna, rag, viro, bhoyanok, bhibhotso, odhbhut, xanto’ mholl'llea nou rosam poikint ’viroh’ mholl'llo ros na. Punn monoxachea sintimentamni, bhaunamni, bhogonnamni to zorur asa. Monis ek osoli jivi, ji aschi vost, vo songot va natem - hyevixim choddit chintunk vochanam punn jedona to na, tedonam to tea sanddun gel'lea vost/songot va nateachem mol somzunk sokta mholl'llench hea k

[kovita] Oxem kitem kelem go... (- Kalpesh Verenkar)

Oxem kitem kelem go...

Oxem kitem kelem go hamvem

je tuka laglem

mhaka zannivo dinasotona

somvsar soddun tum gele..

Azun yad asa mhaka to dis

jen'na hamvem tuka polloilem

mhaka kaim kollchempoilim

kallzant tum mhojea boslem.

Apnnailo jen'na tuvem mhaka

samko zalo hamv piso koso

monant fokot tujench vichar

vhaupak laglem varem koxem.

Rongoupak laglo hamv sopna

tujeavangodda jinn sarpachi

tujeach tea torekovar sopnamni

ugddopak lagli daram ayuxoyachi

zoxem zoxem tum chodd mog korunk laglem

toxem toxem mhoje jivit fulunk lagle

somvsarachea charuy dikani mhaka

tuch dolleamukhar yeupak laglem..

Oxem kitem chuklem go mhojem

tem tuka itlem laglem

mhaka zannivo dinasotona

somvsar soddun tum gele

ata mhojea hea somvsaran kaim urukona

urlea teo tujeo yadim

to dis bi pois na

jen'na hamv yetlo tujea lagim..

***

- Kalpesh Verenkar. [Aug, 2020]