ಮನಾಚಿ ಸಪ್ನಾಂ (- ಕಲ್ಪೇಶ್ ವೆರೆಂಕಾರ್)

[ಕವಿತಾ] ಮನಾಚಿ ಸಪ್ನಾಂ (- ಕಲ್ಪೇಶ್ ವೆರೆಂಕಾರ್)

ಜಿವಿತಾಚೆ ಅರ್ಥ್ ಸಭಾರ್ ಕವಿಂನಿ ಸಭಾರ್ ರಿತಿಂನಿ ಸಮ್ಜಾಯ್ಲಾ. ಹ್ಯಾ ಸಭಾರ್ ಅರ್ಥಾಂನಿ ಏಕ್ ಅರ್ಥ್ ಅಸೊಯ್ ಆಸಾ; ಜಿವಿತ್ ಮ್ಹಳ್ಯಾರ್ ಸಪಣ್. ಜೆಂ ಮನಶಾಕ್ ಸದಾಂ ಕ್ರಿಯಾಳ್ ದವರುಂಕ್ ಸಕ್ಚೆತಸಲೆಂ. ಮನಿಸ್ ಚಿಂತುಂಕ್ ಸಕ್ತಾ ದೆಕುನ್ ತೊ ವೆಗ್-ವೆಗಳಿಂ ಸಪಣಾಂ ದೆಕುಂ ಸಕ್ತಾ. ಏಕ್ ಸಪಣ್ ಸಂಪ್ತಚ್ ಅನ್ಯೇಕ್ ಸಪಣ್, ತೆಂ ಸಂಪ್ತಚ್ ಅನ್ಯೇಕ್.. ಅಶೆಂ ಸಪಣ್ ದೆಕ್ಚಿ ಸವಯ್ ಮನ್ಶಾಚಿ ಸಾಸ್ಣಿಕ್. ಹೆಚ್ ಚಿಂತ್ಪಾಚ್ಯಾ ಪಾಠ್‌ಭುಂಯ್ಂಚೆರ್ ಉಭಿ ಕೆಲ್ಲಿ ಕವಿತಾ ಹಿ.

[ಕವಿತಾ] ಮನಾಚಿ ಸಪ್ನಾಂ (- ಕಲ್ಪೇಶ್ ವೆರೆಂಕಾರ್)

ಮನಾಚಿ ಸಪ್ನಾಂ

ಪಿಪ್ಳಾಚ್ಯಾ ಪಾನಾಂವ್ರಿ

ಚಂಚಲ್ ಆಮ್ಚಿಂ ಮನಾಂ

ಆಯ್ಜ್ ಹೆಂ ವಿಚಾರ್ ಜಾಲ್ಯಾರ್

ಫಾಲ್ಯಾಂ ದುಸ್ರೀಂಚ್ ಸಪ್ನಾಂ

ವಿಚಾರಾಂಕ್ ಆಮ್ಚ್ಯಾ ನಾಸ್ತಾ ಬಂದನ್

ನಾ ಬದಂನ್ ಆಮ್ಚ್ಯಾ ಸಪ್ನಾಂಕ್

ಆಯ್ಜ್ ಎಕ್ ವಿಚಾರ್ ಫುಲ್ಲೊ ಜಾಲ್ಯಾರ್

ಫಾಲ್ಯಾಂ ಯೆತಾ ದುಸ್ರೊ ಮನಾಂತ್

ಚಂಚಲ್ ಆಮ್ಚಿ ಮನಾಂ

ಬದ್ಲೀತ್ ರಾವ್ತಾ ಆಪ್ಲಿ ಸಪ್ನಾಂ

ಖಂಯ್ಚಿ ಖರಿ, ಫಟ್ ಖಂಯ್ಚಿ

ಹೆಚ್ ತಾಕಾ ಕಳ್ನಾ

ಹ್ಯಾಚ್ ಚಂಚಲ್ ಸಪ್ನಾಂನಿ

ತಾಕಾ ದಿಸ್ತಾ ಫುಡಾರ್ ಆಪ್ಲೊ

ಕಿತ್ಲೀಂಯ್ ಕಾಳ್ಖಿ ಆಸುಂ

ತಾತೂಂತ್ ದಿಸ್ತಾ ಉಜ್ವಾಡ್ ಜಿಣೆಚೊ

ಪುರಾಯ್ ಕರ್ಪಾಕ್ ಹಿಂ ಸಪ್ನಾಂ

ತೊ ಜಿವೀತ್ ಆಪ್ಲೆಂ ಒಂಪ್ತಾ

ಪೂಣ್ ಜಿಣೆಚ್ಯಾ ನಿಮ್ಣ್ಯಾ ಖಿಣಾಕ್

ಚಂಚಲ್ ಮನ್ ಸಪ್ನಾಂ ಬದ್ಲತಾ.

- ಕಲ್ಪೇಶ್ ವೆರೆಂಕಾರ್. [ನವೆಂಬ್ರ್, 2020]