ಕವಿತಾकविताPoem

मनाची सपनां (- कल्पेश वेरेंकार)

[कविता] मनाची सपनां (- कल्पेश वेरेंकार)

जिविताचे अर्थ सभार कविंनी सभार रितिंनी समजायला. ह्या सभार अर्थांनी एक अर्थ असोय आसा; जिवीत म्हळ्यार सपण. जें मनशाक सदां क्रियाळ दवरुंक सकचेतसलें. मनीस चिंतुंक सक्ता देकून तो वेग-वेगळीं सपणां देकूं सक्ता. एक सपण संप्तच अन्येक सपण, तें संप्तच अन्येक.. अशें सपण देकची सवय मनशाची सासणीक. हेच चिंत्पाच्या पाठ‌भुंय्ंचेर उभी केल्ली कविता ही.

[कविता] मनाची सपनां (- कल्पेश वेरेंकार)

मनाची सपनां

पिपळाच्या पानांवरी

चंचल आमचीं मनां

आयज हें विचार जाल्यार

फाल्यां दुसरींच सपनां

विचारांक आमच्या नासता बंदन

ना बदंन आमच्या सपनांक

आयज एक विचार फुल्लो जाल्यार

फाल्यां येता दुसरो मनांत

चंचल आमची मनां

बदलीत रावता आपली सपनां

खंयची खरी, फट खंयची

हेच ताका कळना

ह्याच चंचल सपनांनी

ताका दिसता फुडार आपलो

कितलींय काळखी आसूं

तातूंत दिसता उजवाड जिणेचो

पुराय करपाक हीं सपनां

तो जिवीत आपलें ओंपता

पूण जिणेच्या निमण्या खिणाक

चंचल मन सपनां बदलता.

- कल्पेश वेरेंकार. [नवेंबर, २०२०]