ಕವಿತಾकविताPoem

Lab (- Gyaneshwar Tari)

[kovita] Lab (- Gyaneshwar Tari)

Ranant jieun aslo monis fatramsovem opli jinni sartalo. Tachem lek-pak soit fatramni mezun zatalem. Uprant monis gamvak paulo, xerak paulo, mukar vochun chondrak paulo. Fatrachem lek sanddun sonkirnn lek; aljibra, ttrignomettri, kealkulos ani kitem sorv xiklo punn ozun tachean xikunk zainatlem ek lek asa; tench lek hea kovitent kovi somzaita; hea somsarant opnnachem mholl'llem kitench na. Na natim, na oplim-pelim, na duddu-ast, na rauller-bongle, itlem sorv kiteak? oplem mholl'llem namv soit oplo jivo sandtoch asana bogor ’ball’ zaun ayil'lo ’moddem’ zaun veta. Tatvik chintpachi sai asun tarkik vixoi razamvik ritin sobhit ritin ucharchi kovita hi.

[kovita] Lab (- Gyaneshwar Tari)

Lab

vangddi -

ho sathidar

va mitr

to ixtt

va sokho

astolo kaim ?

....Oxench kaim na !

komai-

ho poiso

va dhon

ti sompt'ti

va doulot

ubarotoli kaim ?

....Oxench kaim na !

foll-

hem godd

va goddachem

tem sakhrenchem

va mhomvachem

ruchtolem kaim ?

....Oxench kaim na !

vangddiponnacho somoz

komaye-pasot

va follam-khatir

hixebachea gonnitat

va jivitachem kannyent

labtolem sukh ?

....Oxench kaim na !

- Gyaneshwar Tari. [Oct, 2020]

Gyaneshwar Tari: Vrit'ten xikxok zaun vaur korcho ho konknni songhttonamni soit kareall. Okhil Bharti-i Konknni Porixodent toxench her songhttonamni vaur kel'lo ho ek kothakar, kovi tosench nattok/nattkulle boroun aila. Hachea kovitenche tin buk; Ritumoti (1995), Cholyek vacheat (2009) ani Suisaidd (2010) yedoll porgottleat. Thoddea kovitenk spordheamni inamam soit labhleant.

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.