ಕವಿತಾकविताPoem
ಗಾ ಸಭಾಗ್ಯಾ (- ಗ್ಯಾನೇಶ್ವರ್ ತರಿ)
[ಕವಿತಾ] ಗಾ ಸಭಾಗ್ಯಾ (- ಗ್ಯಾನೇಶ್ವರ್ ತರಿ)
ದೆವಾನ್ ರಚ್ಲೆಲ್ಯಾ ಸಂಸಾರಾಂತ್ ದಾನವಾಂಚಿ ರಚ್ನಾಂ ರಚುನ್ ಆಸ್ಚೊ ಮನಿಸ್ ಆಜ್ ಮನಶಾಕ್ ಮಾತ್ ನ್ಹಯ್, ಜೀವಿ-ಜಾನ್ವಾರಾಂಕ್, ಸುಕಳ್ಯಾಂಕ್ ತಶೆಂಚ್ ರುಕಾ-ಝಡಾಂಕ್ ಸಯ್ತ್ ಮಾರೆಕಾರ್ ದೀಸ್ ಹಾಡಂವ್ಕ್ ಸಕ್ಲಾ. ಸುರ್ಯಾಚಿಂ ಕಿರಣಾಂ, ನಿತಳ್ ವ್ಹಾರೆಂ, ನಿತಳ್ ಉದಕ್ ಸಯ್ತ್ ಮ್ಹೆಳೆಂ ಕರುಂಕ್ ಪಾವ್ಲಾ ಮ್ಹಳ್ಳ್ಯಾ ಚಿಂತಪಾಚೆರ್ ಹಿ ಕವಿತಾ ಉಭಿ ಕೆಲ್ಯಾ.
[ಕವಿತಾ] ಗಾ ಸಭಾಗ್ಯಾ (- ಗ್ಯಾನೇಶ್ವರ್ ತರಿ)
ಗಾ ಸಭಾಗ್ಯಾ
ಗಾ ಸಭಾಗ್ಯಾ! ಹೆ ದುನಿಯೆತ್ ತುಮ್ಚಿ
ಜನ್ಗಣನಾ ಅಾನಿ ಆಮ್ಚಿ ಅಗ್ಣತಿ ಹಾಚೊ ತುವೆಂ
ಕೆನ್ನಾ ಹಿಶೆಬ್ ಕೆಲಾ ವ್ಹಯ್? ಆಮಿ ತುಮ್ಕಾಂ ಅಬ್ಜ್
ಪಟೀನ್ ಪುರೊನ್ ಉರತ್- ಶ್ವಾಸ್-ಉಶ್ವಾಸಾಚೊ ಕರುನ್
ಗುಳೊ. ಗಾ ಸಭಾಗ್ಯಾ! ಹ್ಯಾ ಧರ್ತರೆಚೆರ್ ಜಿ
ಘಾಣ್- ಬುರ್ಶಿ ತುಮ್ಚ್ಯಾ ವೆವ್ಹಾರಾತ್ಲ್ಯಾನ್
ನಿರ್ಮಣಿ ಜಾತಾ ತಾಚೊ ವಿಲೊ ಕೊಣ್ ಲಾಯ್ತಾತ್ ಗಾ? ಹಾಚೊ ಕೊಣೆ ಕೆನ್ನಾ ವಿಚಾರ್ ಕೆಲಾ ವ್ಹಯ್? ವಕ್ಲಾಂ-
ಮಾಕ್ನಾಂಂನಿ ಸಂಶೊಧನ್ ಕರ್ ಗಾ! ಗಾ ಸಭಾಗ್ಯಾ! ಆಮೀಚ್ ಪಳ್ಯಾತ್ ಕೊಯ್ರ್-ಕಚ್ರೊ ಖಾತಡ್-ಹಳ್ಶೀಕ್
ಕೊರಾಥೂನ್ ಕೊಚಾಯ್ತಾತ್ ಫಸ್ತ್- ನಶ್ಟ್ ಪೀಠೊ ಕರ್ತಾತ್ ತುಮ್ಚ್ಯಾ ನೆತ್ರಾಆಡ್ ಅನ್ಮನೂನ್ ಆಮೀಚ್ ಹೊ ಸಂವ್ಸಾರ್
ನಿವ್ಳ್ ಕರ್ತಾತ್. ಗಾ ಸಭಾಗ್ಯಾ! ಉದೆಂತ್ಯಾ
ಸೂರ್ಯಾಕ್ ಸಾಕ್ಷ್ ದವ್ರುನ್ ಚಂದ್ರಾವರಿ ರಾತ್ಭರ್
ಜಾಗ್ರಣ್ ಜಾಗಯ್ತ್ ಚೊವೀಸ್ ವರಾಂ, ಪಳಾಂ- ಘಟೀಕಾ
ರಾಬಯ್ತ್ ರೆಂಬ್ಕಣ್, ನಾಲೊ-ಉಕೀರಡೊ ಕಡ್ಡಯತ್
ಮೊಲಾವಿಣೆಂ ಅಾಖ್ಖೆಂ ಜಗ್ ನಿರ್ಮಳ್ ಕರ್ತಾತ್. ಪುಣ್ ಸಭಾಗ್ಯಾ! ಉದಕ್-ಅನ್ನ್ ಆಮ್ಚೊ ಆಹಾರ್ ಜಳಿ-ಥಳಿಂ, ಹವೆತ್ ಕರ್ತಾತ್ ಸಂಚಾರ್ ರಗತ್-ಮಾಂಸ್,
ಘಾಯಾರ್ ಆಮ್ಚೊ ಅಧಿಕಾರ್ ಕುಡೀತ್ ತುಮ್ಚ್ಯಾ ರೀಘತ್
ಜಾಲ್ಯಾರ್ ದುಯೆಂಸ್ ಜಾವ್ನ್ ಜೀಣ್ ಕಾಬಾರ್. ಗಾ ಸಭಾಗ್ಯಾ! ದೆವಾಚಿ ನಿರ್ಮಣಿ ರಾಕೆಸಾಚಿ ಕರ್ಣಿ ವಿಶ್ವಾಚೆ ರಚ್ಣೂಕೆತ್ ಚಿಖಲ್- ಪಾಣಿ ಸಜ್ಜನಾ-ದುರ್ಜನಾ, ಸಭಾಗ್ಯಾ-ದುರ್ಭಾಗ್ಯಾ ಜೀವಾಣು-ವಿಶಾಣು ಪುಸ್ತಾತ್ ಕರ್ಮ್-ಕಾಣಿ ಕರುನ್ ಗಾ
ದೃಶ್ಯಾಂತರೀತ್ ಜೀವೀತ್ ಹಾನಿ. ಮಾತ್ಯೆಭರವಣ್ ಗೆ
ಸೃಶ್ಟೀಮಾಯಾ! ಮಾತ್ಯೆಭರವಣ್ ಗೆ ಸೃಶ್ಟೀಮಾಯಾ!
-
ಗ್ಯಾನೇಶ್ವರ್ ತರಿ.
[ಜುಲಾಯ್, 2020]
ಗ್ಯಾನೆಶ್ವರ್ ತರಿ: ವೃತ್ತೆನ್
ಶಿಕ್ಷಕ್ ಜಾವ್ನ್ ವಾವ್ರ್ ಕರ್ಚೊ ಹೊ ಕೊಂಕ್ಣಿ
ಸಂಘ್ಟನಾಂನಿ ಸಯ್ತ್ ಕಾರ್ಯಾಳ್. ಅಖೀಲ್ ಭಾರ್ತೀಯ್
ಕೊಂಕ್ಣಿ ಪರಿಶದೆಂತ್ ತಶೆಂಚ್ ಹೆರ್ ಸಂಘ್ಟನಾಂನಿ ವಾವ್ರ್
ಕೆಲ್ಲೊ ಹೊ ಎಕ್ ಕಥಾಕಾರ್, ಕವಿ ತಸೆಂಚ್ ನಾಟಕ್/ನಾಟ್ಕುಳೆ
ಬರವ್ನ್ ಆಯ್ಲಾ. ಹಾಚ್ಯಾ ಕವಿತೆಂಚೆ ತೀನ್ ಬೂಕ್;
ಋತುಮತಿ (1995), ಚಲ್ಯೆಕ್
ವಾಚ್ಯಾತ್ (2009) ಆನಿ ಸುಈಸಾಯಡ್
(2010) ಯೆದೊಳ್ ಪರ್ಗಟ್ಲ್ಯಾತ್. ಥೊಡ್ಯಾ
ಕವಿತೆಂಕ್ ಸ್ಪರ್ಧ್ಯಾಂನಿ ಇನಾಮಾಂ ಸಯ್ತ್ ಲಾಭ್ಲ್ಯಾಂತ್.
ಕವಿತಾकविताPoem Oct 2020
ಲಾಬ್ (- ಗ್ಯಾನೇಶ್ವರ್ ತರಿ)
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.