ಕವಿತಾकविताPoem

ಜಿಣ್ಯೆ ಸುಕ್ (- ಎಚ್. ಮನೋಜ್ ಜೆ)

[ಕವಿತಾ] ಜಿಣ್ಯೆ ಸುಕ್ (- ಎಚ್. ಮನೋಜ್ ಜೆ)

ಮನಿಸ್ ಜಿವಂತ್ ಆಸ್ತಾನಾ ಫಕತ್ ಧಾಂವ್ತಾ ಆನಿ ತಾಂಕ್ತಾತಿತ್ಲೆಂ ಕಮಾಯ್ತಾ, ಪುಂಜಾಯ್ತಾ, ದಾಳುನ್ ದವರ್ತಾ. ಹ್ಯಾ ಧಾಂವ್ಣೆಂತ್ ಮನಶಾಕ್ ಚಿಂತುಂಕ್ ಸಯ್ತ್ ವೇಳ್ ನಾ. ಪುಣ್ ಕಿತ್ಲೆಂಯ್ ಪುಂಜಾಯಿಲ್ಲೆಂ ವಾ ದಾಳುನ್ ದವರ್ಲೆಲೆಂ ತೊ ಅಪ್ಲೊ ಶ್ವಾಸ್ ಸಾಂಡ್ತಚ್ ಸಗ್ಳೆಂ ಸಾಂಡುನ್ ಸೊಡ್ತಾ. ಹಿ ಹಕೀಗತ್ ಜಿವಂತ್ ಆಸ್ತಾನಾ ಸಮ್ಜುಂಕ್ ಸಕಾನಾಸ್ಲೊ ಮನಿಸ್ ಕಿತೆಂಯ್ ವಿಸರ್ತಾ ತರ್ ಶಾಂತಿ-ಸಮಧಾನೆನ್ ಜಿಯೆಂವ್ಕ್.

[ಕವಿತಾ] ಜಿಣ್ಯೆ ಸುಕ್ (- ಎಚ್. ಮನೋಜ್ ಜೆ)

ಜಿಣ್ಯೆ ಸುಕ್

ಸೊಬೀತ್ ಸಪ್ನಾಂ ಬಾಳ್ಗೂನ್ ಮನಾಂತ್

ಜಡ್ ಪಾವ್ಲಾನ್ ಸೊಡ್ಟಾ ದೆಶ್

ಪಯ್ಸೊ ಆಡ್ಕೊ ಖೂಬ್ ಜಮಯ್ತ್

ಆಪ್ಲ್ಯಾ ಮೊಗಾಕ್ ತಿಶ್ಟಾಯತಾ

ಉರ್ಬಾಂ ಮ್ಹಜಿ ದಿತಾ ಬಳ್ಗೆ

ಸುಖಿ ಜಿಣೆಕ್ ಹೊರಾಯ್ತಾ

ತಿ ಅಸ್ತೂರ್ ದೊಳೆ ತೆಳೂನ್

ಸೊದ್ತಾ ಕಾಂಯ್ ಜೀಣೆಂ ಸೂಖಾಂ

ವರ್ಸಾಂ ಉಪ್ರಾಂತ್ ವರ್ಸಾಂ ಸರ್ತಾ

ಸೂಖಾ ಫಾಟ್ಲ್ಯಾನ್ ಮನೀಸ್ ಧಾಂವ್ತಾ

ತರುಯ್ ಅತೃಪ್ತ್ ಮನ್ ರೆ ಸಾರ್ಕೆ

ರೀತೆ ಜೀಣೆತ್ ದುಖ್ ಭರ್ತಾ

ಪಾವ್ಲಾ ಪಾವ್ಲಾಕ್ ಎಕೂಚ್ ಧ್ಯಾಸ್

ಮ್ಹಜ್ಯಾ ಘರಾಕ್ ಪೂರಾಯ್ ಸಾಸಾಯ್

ದಿಲೆ ಜೀಣೆತ್ ಸಗ್ಳೆ ತರೀಯ್

ಚಾರ್ ಖಿಣಾಂಚೊ ರೆ ಹೊ ಸಂವ್ಸಾರ್

ಕಿತ್ಲೆ ಜೊಡ್ಲೆ ಕಿತ್ಲೆ ಮೊಡ್ಲೆ

ನಿಮ್ಣ್ಯಾ ಖಿಣಾಂಕ್ ವಿಚಾರತಾ ಕೊಣ್ ?

ತುಜ್ಯಾ ಸುಖಾಚಿ ಅತೃಪ್ತ್ ಇತ್ಸಾ

ಮಾತ್ಯೆಭರವಣ್ ನೀಮ್ಣಿ ಕೂಡ್

- ಎಚ್. ಮನೋಜ್ ಜೆ. [ಒಕ್ಟೊಬ್ರ್, 2020]