ಕವಿತಾकविताPoem
Inside a Bo x [- शैलेंद्र मेहता]
[कविता] Inside a Box [- शैलेंद्र मेहता]
ही कविता वयलेभार वाचताना कांय एका संकीर्ण विश्याचेर बरयिल्ली कविता म्हळ्ळेपरीं भगत पूण परत परत वाचताना कवितेंतल्यो एकेक इमाज्यो कांय एकेक काणी सांगून वेतातशें भग्ता. Inside a box माताळें सांगचेपरीं हो बोक्स इतिहासाचो. आनी आज इतिहासच एक बजारसो जाला. सत कितेंय आसूं पूण फटीं वेगीं विखून वेतात आनी फटिंक चडीत खायस आसा जाल्ल्यान आज सताक अपणाची अस्मिताय रुजू करुंक पडलां. आज समाजेंत ह्यो वीद वावळ्यो दिसुंक मेळतात आनी एका ना एका रितीन आमीं सयत हांतूं भागिदार म्हळ्ळें गुन्यांवकारी चिंतप अंतरात्म आसच्यांक कांय धोसिनासताना वचाना.
बाब शयलेंद्र मेहता कोंकणी कवी सद्द्याक मुंबंयत आसा. कोंकणिच्याकी तो मराठी साहित्यांत चडीत व्हळकिचो. ह्या कवितेचो अस्वाद भगुंक तुकाच उलो दितां.
[कविता] Inside a Box [- शैलेंद्र मेहता]
Inside a Box
प्रचारित रावतां हांव
दुखेस्त यादींचे रातींक
परिवर्तनांच्यो इतिहासीक काणयो
आनी मागीर
वेगळ्यो व्याख्या दाखयत
संदर्भ बदलत रावतात
दिसपट्ट्या वेव्हारांचे
भौशीक मळावयल्या वैल्याचाराचे
मौखिक, बरयल्ले, छापिल्ले,
आयकल्ले आनी आयकूंनाशिल्ले लेगीत
इतिहासाच्या काणयांची
आनी दंतकथांची चिकित्सा
हयन्हयशी
विस्मरणाच्या आनी भिरांतीच्या सावळेपोंदा
मंद आवाजांत
खरशेत खरशेत फुतफुत्ता
ऑल इज वेल रे पापया
न्हिद आतां बेगीन
तोडून पांदरे काळखाचे
वयर सरतात केन्नाकेन्नाय
रगतान भरिल्ल्यो मुठी
घोशणाय दितात अदींमदीं
उदका घोटाक आशेल्ले ताळे
पूण काळजांच्यो बांयो
सुकून तरी गेल्यात
वा जावन गेल्यात सेप्टिक टॅंक
खुद्द कासादोरांनी
कोनशाकोनशार उक्तीं केल्यात
लायसना दिवपाची कार्यालयां
रित्या मळबांत उड्डाणां मारचेपासत
अशे एका परिपत्रकावरवीं
आयजूच कळीत केलां
- शैलेंद्र मेहता. [दसेंबर, २०१९९]
शैलेंद्र मेहता: कांय चाळीस वर्सां थावन मराठी तशेंच कोंकणिंत कविता बरवन आयिल्लो बाब शयलेंद्र मेहता, पारंपरीक कविता न्हय बगार आधुनीक कविता बरयतेल्यांच्या पंग्तेर आसा. अमूर्त संकेत (Abstract images) अपल्या कवितेंनी गुंतून उत्रांतल्या अर्थांच्या गर्भांनी तीं लिपंवची श्याथी आसचो ताक्तेवंत कवी. ताचो कविताजमो ’सिसिफस तेंगशेर’ आयलेवार पर्गट जाल्लो जावनासा.
© 2019 शैलेंद्र मेहता · आशावादी प्रकाशन सर्व हक्कां राखून दवरल्यांत.
Workshop 26 Sep 2026
पुस्तकांचें वाचन आनी चिंतन मनशाक गिरेस्त करता: तोमाझीन कार्दोज
ಕವಿತಾकविताPoem Sep 2026
प्रतिकाराचीं मुळां
ಲೇಖನ್लेखनArticle Aug 2026
कोंकणींत कथा अध्ययनाचें महत्व
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.