ಕವಿತಾकविताPoem
In Min Tin (- Udoi Mhambro)
[kovita] In Min Tin (- Udoi Mhambro)
Khonchyai
bhasentlea sahiteant thoddeach sobdamni eka
kanniek va vastovak dakomvchem pintur ubhzamvchi
xeathi asa tor ti kovitek matr. Ani hi kovita
opurbhayechi govai dita. Aicho tantrik kall,
aichi mobail jinni ani monxachi dhamvnni kaim
monxa nateanchim khellkullam kortakai mholl'llem
marmik chintop attapchi bhovo sobhit kovita hi.
Bab udoi mhambro
gõyant vosti korun ascho konkonni kovi. Tachem
chintop, tacho svobhavo toxench tachem vektitv
monxaponnachem dekun tachea kovitemni soit hea
monxamolancher zamvchea bongostollavixim ek
attovo astach. Ani hangasoryi tannem kel'lem
preton tench. Kovitevixim choddtik boroun tacho
osvad unno korunk vecheadim to osvad bhogunk
tukach soddtam.
[kovita] In Min Tin (- Udoi Mhambro)
In Min Tin in min
tin monxam tigam tin konxeank tiganche tin beddrum' tin gaddeo tin mobail ti randta jeunn mezar manddtta mobailacher fotte
kaddtta poilean poilim xrad'dhak kakoull
dourotat toxe te jeunnache
fotte fesbuk grupan postt
korta ani kavo kavo korun kaulleank apoil'leuri boroita " konnak zai ?" to efisantlea
ixttavangodda torekovar hottelamni
vota novi novi ddix magoita jeunnache, ixttanche
bore fotte kaddtta hottelak tteg korta niall boroita ani gamvjeunn ghalta
tea thattan fesbukar grupan ghalta lok jibleo chattit tache jeunnaullik
tokhetat baik kolez zatkuch
klas klas zatkuch
ddansoklas magir jim', yoga jeupak vell na bai borgor nator
pijhzha khaun dis dhukllotta ratikodde ghora
pautokir in min tin monxam tigam-i zam' to sofar lounddota bai bajjer vonnkota tor ti babddi
ubeamnich randchikuddin punn tigam-i uloitat
tigamykodden mobailacher mesez
ttaip korun ti mezar jeunn
manddtta tanne ani bain kanant
gudd'ddoyo ghaleat ti mesez ghalta "jevea nhoi?" bai vachta punn bai yetna bhair
khaun ailam bai porto mesez
dhaddtta "pott bhol'lam" tanne ozun mesez
vachunkuch na to sanje cheak
khal'lea chatt mosalache vornnon ixttankodden
chattmesejin korta ti ani ek mesez
dhaddtta to kanamonar ghena ti apunn jeuta mez kaddtta nhidunk vota bore ratir taka bhuk lagta to mobail bond korta kichnant vota donporam tinne fesbuk
grupar borem sozoil'le jeunn to tattan vot'ta bhokabhok pottan
dhukllotta ani fesbuk vottsep
ixttank tambddi kallzam
dhaddun gudd naitt korit gupp kallkhan bajjer
ghalun gheta in min tin monxam tigam tin konxeank
- Udoi Mhambro. [Dec, 2019]
ಕವಿತಾकविताPoem Apr 2020
#Radha #Krixnna (- Uday Mhambro)
ಕವಿತಾकविताPoem Feb 2020
Deva Deva (- Uday Mhambro)
ಕವಿತಾकविताPoem Jan 2020
Pankhe naxil'le ghor (- Udoi Mhambro)
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.