ಹಂಪಿ [ಮಾಯಾ ಅನಿಲ್ ಖರಂಗಟೆ]

ಹಂಪಿ ಏಕ್ ಅಸಲೊ ಗಾಂವ್, ಥಂಯ್ಚರ್ ಪ್ರಾಚೀನ್ ಭಾರತ್ ಸಂಸ್ಕೃತೆಚಿ ವಳೊಕ್ ತಶೆಂಚ್ ಝಳಕ್ ಲಾಭ್ತಾ. ಹಾಂಗಾಸರ್ ಆಸ್ಚಿಂ ಎಕೇಕ್ ಭಾಂದ್ಪಾಂ, ಇಮಾಜಿ, ಪುತ್ಳ್ಯೊ ಎಕೆಕ್ ಕವಿತಾ ಜಶೆಂ ಉಭ್ಯೊ ಕೆಲ್ಯಾತ್ ದೆಕುನ್ ದೇಸ್ ವಿದೇಶಾಂತ್ಲೊ ಕಾಂಯ್ ಲೋಕ್ ಹ್ಯಾ ಗಾಂವಾಕ್ ಭೆಟ್ ದಿತಾ.

ಜೆದ್ನಾಂ ಸೊಭಾಯ್ ಆಸ್ತಾ ಥಂಯ್ಚರ್ ಕವಿಯೀ ಆಸ್ತಾ ಆನಿ ತಾಚಿ ಕಾವ್ಯನದರ್‌ಯೀ ಆಸ್ತಾ. ಹಂಪಿವಿಶ್ಯಾಂತ್ ಕಾಂಯ್ ಕವಿಂನಿ ಜಾಯ್ತಿಂ ಕವಿತಾ ಘಡ್ಲ್ಯಾಂತ್ ಆಸುಯೆತಾ ಪುಣ್ ಹಿ ಕವಿತಾ ವೆಗ್ಳೆಚ್ ಸುರಾಚಿ, ವೆಗ್ಳ್ಯಾಚ್ ನಾದಾಚಿ ಮ್ಹಳ್ಳೆಂ ಎಕೇಕ್ ವ್ಹಳ್ ವಾಚ್ತಾನಾ ತುಮ್ಕಾಂ ಗಮ್ತೆಲೆಂ.

ಬಾಯ್ ಮಾಯಾ ಅನಿಲ್ ಖರಂಗಟೆ ಗೊಂಯ್ಚಿ ನಾಮ್ಣೆಚಿ ಕವಯತ್ರಿ ತಶೆಂಚ್ ಏಕ್ ಮೊಗಾಳ್ ಕಾಣ್‌ಯೆಗಾರ್ನ್ ಸಯ್ತ್. ತಿಚ್ಯಾ ಕವಿತೆಂತ್ ಆತಾಂ ’ಹಂಪಿ’ ಕಶಿ ಸೊಭ್ತಾ ಮ್ಹಳ್ಳೆಂ ಸಮ್ಜುಂಕ್ ತುವೆಂ ಹಿ ಕವಿತಾ ವಾಚುಂಕ್ ಜಾಯ್.

[ಕವಿತಾ] ಹಂಪಿ [ಮಾಯಾ ಅನಿಲ್ ಖರಂಗಟೆ]

ಹಂಪಿ

ಪಾಶಣಾಂಚ್ಯಾ ಗಾಂವಾಂತ್ ಪಾಶಣಾಚ್ ಪಾಶಾಣ್

ಆಶಿಕುಶೀಕ್ ಪಾಶಾಣ್, ವಯರ್ ಸಕಲ ಪಾಶಾಣ

ಪಾಶಣಾಂಚ್ಯಾ ಗಾಂವಾಂತ್ ಮಾಸಾಳ್ ಮಾತೀ

ಕಾಳೀ ತಿಚೀ ಕಾಂತೀ

ಜಪತಾ ತೀ ಅಥಾಂಗಾಚೀ ನಾತೀಂ

ಮಾಸಾಳ್ ಮಾತಯೆಕ್ ಯೆತಾ ವಾಸಾಳ್ ಜಾಗ

ಪಾಶಾಣ್ ಗಾಯತಾತ್ ಕಸಲೊ ಹೊ ರಾಗ

ಪಾಶಾಣಾಚ್ಯಾ ಕಾಳಜಾಂತ್ ಉದಕಾಚೊ ಖಳಖಳ್

ಶೆತಾಂತ್ ಥಂಯಚ್ಯಾ ಪಿಕಾಂಚೊ ಸಳಸಳ

ಪಾಶಾಣಾಚೊ ಗಾಂವ್ ಖಣ-ಖಣಾ-ಖಣ

ಇತಿಹಾಸಾಚೊ ಠೆವೊ ಮಣ-ಮಣ-ಮಣ

ಧರತೆಚ್ಯಾ ಪೊಟಾಂತ್ ಸೌಂದರ್ಯಾಚೀ ಖಾಣ

ಶಿಲ್ಪಕಾರೀನ್ ನಟಯ್ಲ್ಯಾತ್ ಕಿತಲೆ ಪಾಶಣ

ಪಾಶಣಾಚ್ಯಾ ಗಾಂವಾಂತ್ ಶಿಲ್ಪಾಂಚೀ ರಾಸ

’ಹಂಪೀ’ ಚೀ ಅಶೀ ವಾಚಚೀ ಮೊನೀ ಭಾಸ್

- ಮಾಯಾ ಅನಿಲ್ ಖರಂಗಟೆ [ಜ್ಯೂನ್ 2018]