Fator [Ruzario Pintto Sindhudurg]

Kovi mhollear konn? techch somajecho ek vantto nhoi? atam kovi somajecho vantto tor, somajechea ekeka somvedonak opole kan, jib, dolle, nak, mot ditolo nhoi? somajent donnosoteleancher vo koxottateleancher doya bhiromotecho dukoll poddolelea somajent aroso dhakhomvocho nhoi? hangasor‌yi ek osolich khub songorxachi kovita kovin ubhi kelea. Amoche somajent sodam-i mholl'lleporim ami osole osturek polletamv punn ti konn konn'nna mhonnun tiche gonn'nne ami korunk vhochonamv. Punn kovi to kovi, zo dekhunk sokota rovin dekhunk sokanatolem.

Bab rosario pintto malvannicho namonnecho kovi. Hea kovitechea atomeak pollemvochem tujer soddotam.

[Kovita] Fator [Ruzario Pintto Sindhudurg]

Fator

rosteache fator foddn

somvosar ti choloita

rosteachi dhull, ddambaracho vas

khore, kudoll, fatorachi ras

ek bhurgem matoyet khellota

dusore tinne pattir bandhla

fator foddn hat‌yi futtola

angar maracho voll utth‌la

voileamn sureo bhazun kaddota

kamar tika patoroch naddota

sogolle ti somsun sosota

apolea kosotar bhurogeank posota

piieono ghovo sodai marota

zai ten'na lagim voddota

vorsak ek bhuroge vaddota

zaiti vors osech ghoddota

sogollo rag ti fatorar kaddota

dis‌bhor magir fator foddota

ragamn magir fator foddota

sogollo dis fator foddota

- Rozario Pintto, Sindhudurg [April 2018]

Rozario Pintto: malvanni pranteant zaite konknni lok toxench konknni sahit rochpi asat, bab ruzario pintto ek namnnecho kovi, ’dor‍yadeger’, ’mavuli’, ’ami malvanni’ , mhaza kokonna (malvanni ganna), ’ami malvanni’ hachim porgott zal'lim promuk pustokam. Zaitea kovigoxttimni hannem vantto ghetla.