ಕವಿತಾकविताPoem
konn vikenddak bailek haॕttelant vhorna
konn vikenddak bailek haॕttelant vhorna
aichea pillgen lognachim keleant foknnam
sohjiunacho orth haHka khobruchona
[कविता] डायवोर्स (- नुतन साखरदांडे)
मनशा नातीं कितें एक करार (Deal)? जीणभर एकामेकाच्या सुकांत तशेंत दुकांत सांगात दिंवची भास करून उपरांत जिण्येंत ह्य भासेची वीद वावळी जांवचें आयच्या दिसांनी सदांचें जावन गेलां. कांय काळार दोन काळजां मात्र न्हय, दोन कुटमाचीं सयत एकामेका भांदांत सूक-दुकांत वांटेली जांवचो काळ बदलून आजकाल मेटां मेटांक निबां उभीं जांवचो काळ. आनी एकेका निबाक पाटिंब्दो दिंवचे कायदे कानुनांविशीं चिंतुंक कोणाकच वेळ ना.
कांय तेंपा उपरांत एक अपुर्भायेची कविता घेवन आयल्या बाय नूतन साखरदांडे. हिच्या कवितेच्या एकेका कद्व्यांतलें वासतव समजुंक तुकाच उलो दितां.
[कविता] डायवोर्स (- नुतन साखरदांडे)
डायवोर्स
आजकाल कितलें सोपें जालां सटासट डायवोर्स घेवप जशें सोपें जालां एका पक्षांतल्यान दुसऱ्या पक्षांत उडकी मारप रात थोडी सवंगा चड, तशें लग्नां थोडीं डायवोर्स चड आनी डायवोर्साचीं एक दोन कारणां कारणां आयकून आवयबापायचीं मरणां कोण न्हाल्लो तुवालो खाटीर उडयता कोण मोबायलाचेर वरांचीं वरां उलयता कोणा एकल्याचें वजनच कमी जायना कोण वीकएन्डाक बायलेक हाॕटेलांत व्हरना आयच्या पिळगेन लग्नाचीं केल्यांत फकणां सहजीवनाचो अर्थ हाःका खबरूचना लाखांनी रूपया मोडून चार पांच दीस सुवाळे म्हयनो जातासर आसा, लागतात डायवोर्साचे दुवाळे खंय पावला हो समाज आनी कित्याक टीकनात लग्नां? कारण एकुच, " तडजोड" करूंक कोणुच तयार ना
- नूतन
साखरदांडे. [जनेर,
२०२०]
नूतन साखरदांडे: वृत्तेन ब्यांकर
जावन पंजाब न्याशनल ब्यांकांत CTO वावर करून आसची
बाय नूतन साखरदांडे कोंकणिची एक नाम्नेची कवी,
लेखक. ’जीण जाली कसतूरी' (१९९४),
’पासवर्ड’ (२०१०) म्हळ्ळे
हिच्या कवितेंचे दोन जमे पर्गटल्यात. २०१२ इस्वेंत
फांवडेशन अत्युत्तम बूक पुरसकार,
तशेंच २०१२ इस्वेचो मथायस कुटमाचो कविता
पुरसकार हिका लाभला.
© 2020 नूतन साखरदांडे · आशावादी प्रकाशन सर्व हक्कां राखून दवरल्यांत.
More in Poinnari
ಕವಿತಾकविताPoem Feb 2025
धाळ्यो [डो. झीटा लॊबो]
ಕವಿತಾकविताPoem Oct 2020
केन्नां पुणी उटतेल्यात... (- विल्मा बंटवाळ)
ಕವಿತಾकविताPoem Nov 2016
येका फो०डाचि कता
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.
Comments
No comments yet. Be the first to say what you thought of it.
Leave a comment