Ddaivors (- Nuton Sakhorodandde)

[kovita] Ddaivors (- Nuton Sakhorodandde)

Monxa natim kitem ek korar (Deal)? jinn‌bhor ekamekachea sukant toxent dukant sangat dimvchi bhas korun uprant jinnyent hyo bhasechi vid vaulli zamvchem aichea disamni sodanchem zaun gelam. Kaim kallar don kallzam matr nhoi, don kuttmachim soit ekameka bhandant suk-dukant vantteli zamvcho kall bodlun az‌kal mettam mettank nibam ubhim zamvcho kall. Ani ekeka nibak pattimbdo dimvche kaide kanunamvixim chintunk konnak‌ch vell na.

Kaim tempa uprant ek opurbhayechi kovita gheun ailea bai nuton sakhoro‌dandde. Hichea kovitechea ekeka kodveantlem vastou somzunk tukach ulo ditam.

[kovita] Ddaivors (- Nuton Sakhorodandde)

Ddaivors

ajkal kitlem sopem zalam

sottasott ddaivors gheup

zoxem sopem zalam eka pokxantlean

dusrea pokxant uddki marop

rat thoddi sounga chodd, toxem

lognam thoddim ddaivors chodd

ani ddaivorsachim ek don karnnam

karnnam aikun auybapaichim mornnam

konn nhal'lo tuvalo khattir uddoita

konn mobailacher voranchim voram uloita

konna ekleachem vojnoch komi zaina

lakhamni rupea moddun char panch dis suvalle

mhoino zatasor asa, lagtat ddaivorsache duvalle

khoim paula ho somaz ani kiteak ttiknat lognam?

karonn ekuch, " toddzodd" korunk konnuch toyar na

- Nuton Sakhorodandde. [Zoner, 2020]

Nuton Sakhorodandde: Vrit'ten beankor zaun ponzab neaxonol beankant CTO vaur korun aschi bai nuton sakhoro‌dandde konkonnichi ek namnechi kovi, lekhok. ’Jinn zali kosturi' (1994), ’Pas‌vordd’ (2010) mholl'lle hichea kovitenche don zome porgottleat. 2012 isvent famvddexon otyut'tom' buk puroskar, toxench 2012 isvecho mothais kuttmacho kovita puroskar hika labhla.