Daracho Dhorm [ Udoi Mhambro ]

Dar mhollear kitem? eka darachem mullavem kam' kosolem? hem somzunchi xeathi ascheank hi kovita somzunk tras nant. Atam darachea dhormak oskot korchi khill va khillik hater korun darak oskot kortelea somajek kitem korizoi? hangasor voicharik sovalam nhoi, sovalancho dalloch asa.

’hamv boro’ chintop vaitt nhoi, punn ’hamv eklonch boro, bakiche sorv khotte’ mholl'llem chintop marekar. Aicho somsar chodd korun hech chintpacho pattlavo korun asa dekun horek xetant utton dista eka thorachem doddemponn. Jivacheaki vhodd igo. Punn hangasor ek kovi mono zaun tor‌yi osolea onixtt kornencher utravinnem var korta.

Bab udoi mhambro gõycho namnecho kovi. Somybon bhovo sado ani mayamogall dekun tacheo kovita gõychi mer utron konkonnichea her rajeamni pauleat. Mumbomyt chol‌l'lea ’kovitapatth’ kamasallacher soit hachea kovitencher odhyoin chol'lam. Kovitechea soktek somzunk otregteleamni hi kovita atanch vaschi.

[Kovita] Daracho Dhorm [Udoi Mhambro]

Daracho Dhorm

mel'lea zhaddachea lakddapasun

mhozo zata zolm' dekhun

hamv nirjivo oxem somzun

lok mhaka add korun

jem kitem kortat

tem sogllench soglleank sanglear

ochchhevo majtolo

amcho darancho dhorm' pallun

hamv tonddak khilli ghalta

tori kaim lok

burkantlean dollo ghalun

dhumvr dista tacheruch

khanchitlean funk marun

uzo pettoitat

hamv nirjivo oxem somzun

mhojelagim mat

konnuch kosli

rujvat korinat

- Udoi Mhambro [Mai, 2019]

Udoi Mambro: Gõycho ek namnnecho lekok, kovi, vauraddi toxench podam ghoddnnar. ’hai saibha’, ’monxachea sodhant’ hache edoll porgott zal'le buk. Kovita, kotha, onnbou sahit boromvcho ho ek konkonni vauraddi toxench chintpi zaunaschea hachea kovitencher mumbomyt ’kovitapatth’ kamasallant odhyoin chol'lam.