ಕವಿತಾकविताPoem

Corona... tuvem khub kitem xikoilem (- Pooja Naik Gaonkar)

[kovita] Corona... tuvem khub kitem xikoilem(- Pooja Naik Gaonkar)

Xikunk mon aschea monoxank ruka-zhoddam thaun xikunk zota, dongor-nhoim thaun xikunk zata, punn xikunk nakascheank somzaunko kitench sokana. Okhkhea somsarak hi marekar pidda zaitim lisamvam xikun asat mholl'llem chintop hea kovitent asa.

[kovita] Corona... tuvem khub kitem xikoilem(- Pooja Naik Gaonkar)

Corona… tuvem khub kitem xikoilem

fottingoponnachim rupddim miroitleank

khorem mask ghalpank xikoilem

chori korpim hatanchem pap

senittaizhor lamvn povitr kelem

korona… tuvem khub kitem xikoilem

fuddareanchea nomskaratolem

ozapachem chomtkar dakhoilem

poixanchea bhokink roddpim

svarthachem pret zolloilem

korona… tuvem khub kitem xikoilem

zanntteam auy bapaichem mol

adarachea kuddint tigoupank xikoilem

flettatleam bondist ghorabeank

gavatleam razangonnant haspank xikoilem

korona… tuvem khub kitem xikoilem

gavakoddolim vatt, jivachem vojem ubarun

onvanni payamni cholun mejlem

‘bharot bhagy vidhatachem’ sopon

goribanchea dolleantleamn roddttonam dekhlem

korona… tuvem khub kitem xikoilem

odhrmachea manddileam gorbhokuddint

devachem ‘deutv’ kallzant zagoilem

monisoponnachea rukhamr ful'lelem

asthechem ful, monxantleam devant pormollolem

korona… tuvem khub kitem xikoilem

- Pooja Naik Gaonkar. [Jul, 2020]

Pooja Naik Gaonkar: 'Mrigonkxotr' hichea kovitechem pustok. Orth prokaxon ayojit 'okhil bharti-i konknni kovita sort 2019' sortit dusrem inam' favo zalam. Sahity vixoik karyoxalla ani sortim'modi sohbhag ani inamam zoddlant. Sodhea kaideache podvyut'tor xikxonn (LLM) 'kare kaida mohavidealoi - Gõy' hanga gheta.