ಕವಿತಾकविताPoem
ಬ್ರಹ್ಮಾಂಡ್ (- ಪೂಜಾ ನಾಯ್ಕ್ ಗಾಂವ್ಕರ್)
[ಕವಿತಾ] ಬ್ರಹ್ಮಾಂಡ್ (- ಪೂಜಾ ನಾಯ್ಕ್ ಗಾಂವ್ಕರ್)
ಬ್ರಹ್ಮಾಂಡ್ ಜೊ ಭುರಗ್ಯಾಪಣಾರ್ ಇಸ್ಕೊಲಾಂತ್ ಆಯ್ಕಲ್ಲೊ ಸಬ್ಧ್ ಕಾಂಯ್ ಕಲ್ಪನಾಂಕ್ ಮನಾಂತ್ ರಚುಂಕ್ ಸಕ್ತಾಲೊ ಆಜ್ ಮನಿಸ್ ವಿಗ್ಯಾನಾಚಿ ಸಕತ್ ಆಪ್ಣಾವ್ನ್ ಹ್ಯಾ ಬ್ರಹ್ಮಾಂಡಾಂತ್ ಭಂವಾಡೊ ಕಾಡುಂಕ್ ತಶೆಂ ಸೊಧುಂಕ್ ಲಾಗಲಾ. ಪುಣ್ ಎಕಾ ವಾಟೆರ್ ತೊ ಸೊಧ್ನಾಂ ಕರುನ್ ಆಯಿಲ್ಲೆಪರಿಂಚ್ ಅನ್ಯೇಕಾ ವಾಟೆನ್ ವಾಟ್ ಚುಕೊನ್ ಆಯ್ಲಾ ಮ್ಹಳ್ಳೆಂ ಚಿಂತಪ್ ಹಕೀಗತ್.
[ಕವಿತಾ] ಬ್ರಹ್ಮಾಂಡ್ (- ಪೂಜಾ ನಾಯ್ಕ್ ಗಾಂವ್ಕರ್)
ಬ್ರಹ್ಮಾಂಡ್ ಬ್ರಹ್ಮಾಂಡ್...
ರಂಗ್ ಬದ್ಲಪಿ ಮನ್ಶಾಂನಿ ಭಲ್ಲಾಂ
ಅಸ್ತಿತ್ವ್ ಸೊದ್ಪಿ ಆತ್ಮ್ಯಾಂನಿ ಜಾಗಯ್ಲಾಂ
ಹೆ ಅಖಂಡ್ ಬ್ರಹ್ಮಾಂಡ್
ದೆವ್ಳಾಂತ್ ದೆವ್ ಸೊದ್ಪಿ
ಆಸ್ತಿಕಾಂನಿ ಚಿತ್ರಯಲಾಂ
ಬ್ರಹ್ಮಾಂಡ್...
ಅಮಾಶೆಚ್ಯಾ ಚಂದ್ರಾತ್ ಶೆಣ್ಲಾಂ
ಪುನ್ವೆಚ್ಯಾ ಚಾನ್ನ್ಯಾಂತ್ ಲಖ್ಲಖಲಾಂ
ಹೆ ಅಖಂಡ್ ಬ್ರಹ್ಮಾಂಡ್
ಸ್ವತಃಕ್ ಸ್ವತಃತ್ ಸೊದ್ಪಿ
ಶೆಣಿಲ್ಯಾಂ ಪ್ರವಾಶಾಂನ್ ಘಡಯ್ಲಾಂ
ಬ್ರಹ್ಮಾಂಡ್...
ಜಾತೀಚ್ಯಾ ಬಂಧ್ನಾತ್ ತಳ್ಮಳಲಾಂ
ಪರಂಪರೆಚ್ಯಾ ಶಾಸ್ತ್ರಾಂತ್ ಘುಸ್ಪಲಾಂ
ಹೆ ಅಖಂಡ್ ಬ್ರಹ್ಮಾಂಡ್
ತುಜೆಂ - ಮ್ಹಜೆಂ ಕರ್ಪಿ
ಎಕ್ಸುರೆಂ ಸ್ವಾರ್ಥಾತ್ ಕಳವ್ಳಲಾಂ
ಬ್ರಹ್ಮಾಂಡ್...
ಜೀವನ್ ಆನಿ ಮರಣ್ ಯಾ ದೊರ್ಯೆಂನ್ ಬಾಂದ್ಲಾಂ
ಪ್ರತಿಶ್ಟೆಚ್ಯಾ ಪಾನಾಂರ್ ರೂಚೀಂಕ್ ಪರ್ಮಳಲಾಂ
ಹೆ ಅಖಂಡ್ ಬ್ರಹ್ಮಾಂಡ್
ಸ್ವಾಭಿಮಾನಾಚಿ ಸರ್ತ್ ಕರ್ಪಿ
ಸಾಸಾಯೆಂನ್ ತಿಗಯ್ಲಾಂ
ಬ್ರಹ್ಮಾಂಡ್...
ಖೊಪೆತ್ಲ್ಯಾಂ ಗಾಲಿಚಾಂರ್ ಸಜ್ಲಾಂ
ಚುಡ್ಟಾಂಚ್ಯಾ ಸಾವ್ಳೆಂಕ್ ರಡ್ಲಾಂ
ಹೆ ಅಖಂಡ್ ಬ್ರಹ್ಮಾಂಡ್
ಸ್ವಾಸಾಂಚೊ ಸುವಾಳೊ ಮನೊವ್ಪಿ
ಜೀವೀತಾಚ್ಯಾ ಚುಲೀರ್ ಜಗ್ಲಾಂ
- ಪೂಜಾ ನಾಯ್ಕ್ ಗಾಂವ್ಕರ್. [ಮಾಯ್, 2020]
ಕವಿತಾकविताPoem Jul 2020
ಕೊರೊನಾ… ತುವೆಂ ಖೂಬ್ ಕಿತೆಂ ಶಿಕಯ್ಲೆಂ (- ಪೂಜಾ ನಾಯ್ಕ್ ಗಾಂವ್ಕರ್)
ಕವಿತಾकविताPoem Apr 2020
ಅರೆ ಮನ್ಶಾಂ (- ಪೂಜಾ ನಾಯ್ಕ್ ಗಾಂವ್ಕರ್)
ಕವಿತಾकविताPoem Mar 2020
ದೇಶ್ ಮ್ಹಜೊ ಜಳ್ಟಾ (- ಪೂಜಾ ನಾಯ್ಕ್ ಗಾಂವ್ಕರ್)
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.