ಕವಿತಾकविताPoem
Bolidan (- Ovinax kunkollokar)
[kovita] Bolidan (- Ovinax kunkollokar)
Sosnnikayek jednam oskotkai mhonnun lekun tancher cholcho zulum' mukar veta tednam koslench bolidan oplem mol jikun dhorunk sokana. Bogor tea bolidanant kosloch sar na. Jednam onit sosnnikayecho katt tutt'ta tednam oskot monxan soit hatim tolvar ghemvchem sohoz zata. Hea kovitent soit osolench chintop borech ritin pintraunni kel'li disun yeta. Somyban nattokist punn oprup kovi gõycho bab ovinax kunkollokorachi somajik nodor tikxnn mhonncheak hi kovita kaim govai dit konn'nna. Bakichem vachpea tujer soddtam.
[kovita] Bolidan (- Ovinax kunkollokar)
Bolidan
bamb
blastt korun tamnni amche auycher kelo var monak kitlem dukhle
tichea kallzak kitlo laglo
mar hancho porinnam' kitem
zatlo kiteak tamnni korukona
vichar rogtachi holli khelluk tancher koslo ailo
savar? tea challis putamni
soddli zannttea auy,bapaichi
sat sat zolmache nate
tuttlem tuttli sukhi
somvsarachi gantth kitleaxach ixttani
aplea ixttagotichi soddli
vatth kitlexech bhurgem az bapai bogor zalem
onath auy putacho akrox
polloun dolle dukamni bhorta don vorsachea
bhurgeachi ti ovtikai pollon mhojey bi kalliz
roddta amche bolidan fukott
vochuk divunaka oxem tem sangta hem
amka kollta pronn jeot palouli
tori tanchi ugtea dolleani dukam
gollta challis putachea
bolidana khatir az dhortori auy legit
roddta astoli tor mhojea
bhava-bhoinnano toxi dukam tumchyai
dolleani astoli ? zalear zoi hind itlech
mhonnun upkorochina kallzan saun ho
nixchoi korcho poddttolo poili golli hamv tea
noradomak martolo ho zonn eklean
dhittayen nirnnoi geucho poddttolo ami thondd rogtache
aslem zait punn amche rogot
gorom' kela tamnnich haka poryai nam khub kaddlem paxies... Ata amchea paxiesak
xima-mer urli nam kaknnam ghalun hatan tem bhizudd lipun
korta var punn ata amchea
osturenchea legin hatat astoli tolvar .
- Ovinax Kunkollokar. [Zoner, 2020]
Ovinax Kunkollokar: Nattokist, kovi zaunaschea hannem zaite nattok boroileat. 'jivitacho rong', 'kauyodhon' mholl'lle don kovitazome porgott zaleat, tisro kovitazomo ’Ghoddfodd’ veginch porgottun yemvchear asa. Ttivicher toxench reddiocher hacheo kovita prochar zaleat.
ಕವಿತಾकविताPoem Nov 2020
Kanni kudd'dde bhoinnichi (- Avinash Kunkolkar)
ಕವಿತಾकविताPoem Apr 2020
Kudd'ddo! (- Avinash Kunkolkar)
ಕವಿತಾकविताPoem Mar 2020
Ghor mhojem nolleachem (- Avinash Kunkolkar)
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.