ಬಲೀದಾನ್ (- ಅವಿನಾಶ್ ಕುಂಕಳಕಾರ್)

ಆಮ್ಚೆ ಆವಯ್ಚೆರ್ ಕೆಲೊ ವಾರ್

ಮನಾಕ್ ಕಿತ್ಲೆಂ ದುಖ್ಲೆ ತಿಚ್ಯಾ

ಕಾಳ್ಜಾಕ್ ಕಿತ್ಲೊ ಲಾಗ್ಲೊ ಮಾರ್

ಹಾಂಚೊ ಪರಿಣಾಮ್ ಕಿತೆಂ ಜಾತ್ಲೊ

ಕಿತ್ಯಾಕ್ ತಾಂಣಿ ಕರೂಕನಾ ವಿಚಾರ್

ರಗ್ತಾಚಿ ಹೊಳಿ ಖೆಳೂಕ್

ತಾಂಚೆರ್ ಕಸ್ಲೊ ಆಯ್ಲೊ ಸಾವಾರ್?

ತ್ಯಾ ಚಾಳೀಸ್ ಪುತಾಂನಿ ಸೊಡ್ಲಿ

ಜಾಣ್ಟ್ಯಾ ಆವ್ಯ್,ಬಾಪಾಯ್ಚಿ ಸಾತ್

ಸಾತ್ ಜಲ್ಮಾಚೆ ನಾತೆ ತುಟ್ಲೆಂ

ತುಟ್ಲಿ ಸುಖಿ ಸಂವ್ಸಾರಾಚಿ ಗಾಂಠ್

ಕಿತ್ಲ್ಯಾಶಾಚ್ ಈಶ್ಟಾನಿ ಆಪ್ಲ್ಯಾ

ಈಶ್ಟಾಗತೀಚಿ ಸೊಡ್ಲಿ ವಾಠ್

ಕಿತ್ಲೆಶೆಚ್ ಭುರ್ಗೆಂ ಆಜ್

ಬಾಪಾಯ್ ಬಗರ್ ಜಾಲೆಂ ಅನಾಥ್

ಆವ್ಯ್ ಪುತಾಚೊ ಆಕ್ರೊಶ್ ಪಳೊವ್ನ್

ದೊಳೆ ದುಕಾಂನಿ ಭರ್ತಾ

ದೊನ್ ವರ್ಸಾಚ್ಯಾ ಭುರ್ಗ್ಯಾಚಿ ತಿ ಅವ್ತೀಕಾಯ್ ಪಳೊನ್

ಮ್ಹಜೆಯ್ ಬಿ ಕಾಳೀಜ್ ರಡ್ತಾ

ಆಮ್ಚೆ ಬಲೀದಾನ್ ಫುಕಟ್ ವಚೂಕ್ ದಿವೂನಾಕಾ

ಅಶೆಂ ತೆಂ ಸಾಂಗ್ತಾ ಹೆಂ ಆಮ್ಕಾ ಕಳ್ತಾ

ಪ್ರಣ್ ಜ್ಯೊತ್ ಪಾಲವ್ಲಿ ತರಿ ತಾಂಚಿ

ಉಗ್ತ್ಯಾ ದೊಳ್ಯಾನಿ ದುಕಾಂ ಗಳ್ತಾ

ಚಾಳೀಸ್ ಪುತಾಚ್ಯಾ ಬಲೀದಾನಾ ಖಾತೀರ್

ಆಜ್ ಧರ್ತರಿ ಆವ್ಯ್ ಲೆಗೀತ್ ರಡ್ತಾ ಆಸ್ತಲಿ

ತರ್ ಮ್ಹಜ್ಯಾ ಭಾವಾ-ಭಯ್ಣಾನೊ

ತಶಿ ದುಕಾಂ ತುಮ್ಚ್ಯಾಯ್ ದೊಳ್ಯಾನಿ ಆಸ್ತಲಿ ?

ಜಾಲ್ಯಾರ್ ಜಯ್ ಹಿನ್ದ್ ಈತ್ಲೆಚ್ ಮ್ಹಣೂನ್ ಉಪ್ಕರಚೀನಾ

ಕಾಳ್ಜಾನ್ ಸಾವ್ನ್ ಹೊ ನಿಶ್ಚಯ್ ಕರ್ಚೊ ಪಡ್ಟೊಲೊ

ಪಯ್ಲಿ ಗೊಳಿ ಹಾಂವ್ ತ್ಯಾ ನರಾದಮಾಕ್ ಮಾರ್ತಲೊ

ಹೊ ಜಣ್ ಎಕ್ಲ್ಯಾನ್ ಧಿಟಾಯೆನ್ ನಿರ್ಣಯ್ ಗೆವ್ಚೊ ಪಡ್ಟಲೊ

ಆಮಿ ಥಂಡ್ ರಗ್ತಾಚೆ ಆಸ್ಲೆಂ ಜಾಯ್ತ್

ಪೂಣ್ ಆಮ್ಚೆ ರಗತ್ ಗರಮ್ ಕೆಲಾ ತಾಂಣೀಚ್ ಹಾಕಾ ಪರ್ಯಾಯ್ ನಾಂ

ಖೂಬ್ ಕಾಡ್ಲೆಂ ಪಾಶಿಯೆಸ್...

ಆತಾ ಆಮ್ಚ್ಯಾ ಪಾಶಿಯೆಸಾಕ್ ಶಿಮಾ-ಮೆರ್ ಉರ್ಲಿ ನಾಂ

ಕಾಕ್ಣಾಂ ಘಾಲೂನ್ ಹಾತಾನ್

ತೆಂ ಭಿಜೂಡ್ ಲಿಪೂನ್ ಕರ್ತಾ ವಾರ್

ಪೂಣ್ ಆತಾ ಆಮ್ಚ್ಯಾ ಅಸ್ತೂರೆಂಚ್ಯಾ ಲೆಗೀನ್

ಹಾತಾತ್ ಆಸ್ತಲಿ ತಲ್ವಾರ್ .

- ಅವಿನಾಶ್ ಕುಂಕಳಕಾರ್. [ಜನೆರ್, 2020]