ಕವಿತಾकविताPoem

ಕವಿತಾ [ಪಯ್ಣಾರಿ-ವೀಜ್ ಸಾಹಿತಿಕ್ ಸ್ಪರ್ಧ್ಯಾಂತ್ ತಿಸ್ರೆಂ ಇನಾಮ್ ಲಾಭ್‌ಲ್ಲಿ ಕವಿತಾ]

This poem is available in its original Kannada only.

ಹ್ಯಾ ಸಂಸಾರಾಂತ್ ಜಿಯೆಂವ್ಚ್ಯಾ ಹರ್ಯೆಕಾ ರಚ್ನೆಕ್ ಏಕ್ ಪಾತ್ರ್ ಆಸಾ ಆನಿ ತ್ಯಾ ಪಾತ್ರಾಕ್ ಆಮಿ ಸಂಯ್ಬ್ ಮ್ಹಣ್ತಾಂವ್. ಪುಣ್ ಜೆದ್ನಾಂ ಹಿಂ ರಚ್ನಾಂ ಅಪ್ಲ್ಯಾ ಚಾಲಾಕೆಕ್ ಗಳ್ಸುನ್ ಎಕಾಮೆಕಾಚಿಂ ಮಾಸಾಂ ಭೊಕಾಂವ್ಕ್ ಲಾಗ್ತಾನಾ ಸುರು ಜಾತಾ ವೀದ್ ವಾವ್ಳಿ ಆನಿ ಧುಸ್ಪಟ್.

ಪ್ರಸನ್ನ್ ನಿಡ್ಡೋಡಿ ನಾಂವಾರ್ ಪಾಟ್ಲ್ಯಾ ಕಾಂಯ್ ಪಾಂತೀಸ್ ವರ್ಸಾಂ ಥಾವ್ನ್ ಬರಂವ್ಚೊ ಬಾಬ್ ಹಿಲರಿ ಡಿ’ಸಿಲ್ವಾ ಕವಿತೆಂನಿ ಇಮಾಜೆರುಪಾರ್ ಹ್ಯಾ ರಚ್ಣೆಂಕ್ ವಾಪ್ರುನ್ ತ್ಯಾ ಬುನ್ಯಾದಿಚೆರ್ ಕವಿತಾ ಉಭಿ ಕರ್ಚಿ ಶ್ಯಾಥಿ ಆಸ್ಚೊ. ಹಾಂಗಾಸರ್‌ಯೀ ಅಸಲೆಂಚ್ ಪ್ರೇತನ್ ಕೆಲ್ಲೆಂ ದಿಸುನ್ ಯೆತಾ. 2018 ಇಸ್ವೆಂತ್ ಪಯ್ಣಾರಿ ಆನಿ ವೀಜ್ ಹಾಣಿಂ ಮಾಂಡುನ್ ಹಾಡ್‌ಲ್ಲ್ಯಾ ದೆ|ವಿಲ್ಫಿ ರೆಬಿಂಬಸ್ ಸ್ಮಾರಕ್ ರಾಶ್ಟ್ರೀಯ್ ದ್ವಿಲಿಪಿ ಕೊಂಕಣಿ ಸಾಹಿತಿಕ್ ಸ್ಪರ್ಧ್ಯಾಂತ್ ತಿಸ್ರೆಂ ಇನಾಮ್ ಆಪ್ಣಾಯಿಲ್ಲಿ ಹಿ ಕವಿತಾ ವಾಚುಂಕ್ ಆನಿ ತಾಚೊ ಸ್ವಾದ್ ಚಾಕುಂಕ್ ತುಕಾಚ್ ಉಲೊ ದಿತಾಂ.

[ಕವಿತಾ] ಗೀದ್ ಆಯ್ಲೊ ಗೀದ್! [ಪ್ರಸನ್ನ್ ನಿಡ್ಡೋಡಿ]

ಗೀದ್ ಆಯ್ಲೊ ಗೀದ್!

ತೀಕ್ಷ್ಣ್ ದಿಷ್ಟಿಚಿ ನದರ್

ಭ್ರಷ್ಟ್ ಮತಿಚೆಂ ಲಾರ್

ದವರ್ನ್ ಫಕತ್ತ್ ತಾಚಿ "ಟಾರ್ಗೆಟ್"

ಮಾಸೂಮ್ಪಣಾಕ್ ಖೊಟಾವ್ನ್

ಥಾಂಬಂವ್ಕ್ ಆಪ್ಲಿ ಭುಕ್

ಗೀದ್ ಆಯ್ಲೊ ಗೀದ್...

ಕೊಂಬ್ಯೆನೊ ಚತ್ರಾಯ್

ಸಾಂಬಾಳಾ ತುಮ್ಚ್ಯಾ ಪಿಲಾಂಕ್

ಪಾಕಾಟ್ಯಾ ಪಂದಾಂ ವೊಡುನ್

ಫಿಚಾರ್ ಕರಾ ದವರ್ನ್ ಪಾಸ್ಳೆಂತ್