ಕವಿತಾकविताPoem
ಚಿತ್ರಾಂ ವಿಚಿತ್ರಾಂ ಆಂಕ್ಡೊ - 8
[ಮಯ್ನ್ಯಾಳೊ ಕವಿತಾ ಸ್ಪರ್ಧೊ] ಚಿತ್ರಾಂ ವಿಚಿತ್ರಾಂ ಆಂಕ್ಡೊ - 8
ಸುಕಿದಾಡ್ ಪಿಂತುರಾಚೆರ್ ಆಯಿಲ್ಲಿ ಕವಿತಾ ಹಿ. ಭಾರೀಕಾಯೆನ್ ಪಳೆಲ್ಯಾರ್ ಹಾಂತುಂ ಮನ್ಶಾಪಣಾಚಿ ಸುಕಿದಾಡ್ ಉಟೊನ್ ದಿಸ್ತಾ. ’ಮೊಸ್ರಾಕ್ ವ್ಹಕಾತ್ ನಾ’ ಸಾಂಗ್ಣಿ ಪರ್ನಿ, ಮೊಸೊರ್ ಸಂಯ್ಬಿಕ್, ಜೆದ್ನಾಂ ಬರೊ ಶೆವೊಟ್ ಮತಿಂತ್ ದವರುನ್ ಮೊಸೊರ್ ಕೆಲೊ ತರ್ ತಾಂತುಂ ಭಾದಕ್ ನಾ. ಪುಣ್ ಫಕತ್ ಹೆರಾಂಕ್ ದುಕಂವ್ಕ್, ಸಕ್ಲಾ ಲೊಟುಂಕ್ ಆನಿ ಸಂತೊಸ್ ಪಾವುಂಕ್ ಮೊಸೊರ್ ಕೆಲೊ ತರ್ ತೊ ಮಾರೆಕಾರ್. ದೆಕುನ್ಚ್ ಶಿಕಪ್/ಸಮ್ಜಣಿ ಗರ್ಜೆಚಿ. ಶಿಕಪ್/ಸಮ್ಜಣಿ ಮ್ಹಳ್ಯಾರ್ ಫಕತ್ ಡಿಗ್ರ್ಯೊ ನ್ಹಯ್. ಆಯ್ಚ್ಯಾ ಕಾಳಾರ್ ಜೆ ’ಶಿಕ್ಪಿ’ ಮ್ಹಳ್ಳೆ ಆಸಾತ್ ತೆ ಭೋವ್ ಚತುರಾಯೆನ್ ’ಅಶಿಕ್ಪಿ’ ಆಸ್ಚ್ಯಾಂಕ್ ವಾಪಾರ್ ಕರ್ತಾತ್ ಆನಿ ಅಪ್ಲಿ ದಾಳ್ ಶಿಜಯ್ತಾತ್. ಆನಿ ಅಸಲ್ಯಾ ಅನಿಶ್ಟ್ ಶಿಕ್ಪಿಂನಿ ಫಕತ್ ಅಪ್ಲೆಂ ಬೊಳ್ಕೆಂ ಭರ್ಚೆಂ ಸೊಡ್ಲ್ಯಾರ್ ತಾಂಕಾಂ ಕೊಣಾಚೆಂಚ್ ಬರೆಂ ಪಡೊನ್ ಗೆಲ್ಲೆಂನಾ.
ಹಾಂಗಾಸರ್ ಸಯ್ತ್ ಏಕ್ ಅಸಲಿಚ್ ಕವಿತಾ ಜಿ ಅನ್ಭೋಗಾಂತ್ ಖಿರವ್ನ್ ಬರಯಿಲ್ಲಿ ಆಸಾ ಆನಿ ತೊ ಅನ್ಭೋಗ್ ಕೆಲ್ಲ್ಯಾಂಕ್ ಮಾತ್ರ್ ಹ್ಯಾ ಕವಿತೆಚಿಂ ಎಕೇಕ್ ಉತ್ರಾಂ ಫುಟ್ಕೊರ್ ಆರ್ಶ್ಯಾಚ್ಯಾ ಖೊಂವ್ಚೆಪರಿಂ ಉಡಾಸಾಚ್ಯಾ ಆಂಗಾಕ್ ಖೊಂಕ್ಚ್ಯಾಂತ್ ದುಭಾವ್ ನಾ. ಪುಣ್ ಮಾಹೆತ್ (Information), ಜಾಣ್ವಾಯ್ (knowledge), ಆನಿ ಅನ್ಭೋಗ್ (experience) ತೀನ್ ವೆಗ್-ವೆಗ್ಳೆಂ ಜಾಲ್ಲ್ಯಾನ್. ಫಕತ್ ಮಾಯೆತ್ ವಾ ಜಾಣ್ವಾಯ್ ಆಸ್ಚ್ಯಾಂಕ್ ಹಿ ಕವಿತಾ ಸಮ್ಜುಂಚಿ ನ್ಹಯ್. ಕಿತ್ಯಾಕ್ ಮ್ಹಳ್ಯಾರ್ ಅಪ್ಣಾಕ್ ಜಾಲ್ಲಿ ಮಾತ್ರ್ ದೂಕ್, ಹೆರಾಂಕ್ ಜಾಂವ್ಚೆಂ ತಾಂಚೆಂ ಕರ್ಮ್ ಮ್ಹಣ್ ಅಪ್ಲೆ ಹಾತ್ ಭಾಂದುನ್ ಹೆರಾಂಕ್ ಹೆಡಾವ್ನ್ ಜಿಯೆಂವ್ಚೆ ಯಥೇಶ್ಟ್ ಮಾಪಾನ್ ಭರೊನ್ ಗೆಲ್ಲ್ಯಾಂಕ್ ಜೆದ್ನಾ ಅನ್ಭೋಗ್ ಜಾತಾ ತೆದ್ನಾಂಚ್ ಸುಸ್ತಾತಾ ಮ್ಹಳ್ಳೆಂ ಹಿ ಕವಿತಾ ಸುಟಾವೆಂ ಸಾಂಗ್ತಾ.
ಚಿತ್ರಾಂ ವಿಚಿತ್ರಾಂ ಆಂಕ್ಡೊ - 8
ಘಾತ್ ಕೆಲ್ಲ್ಯಾ ಇಷ್ಟಾಕ್...
ಕೋಣ್ ಆಪ್ಲೆ ಕೋಣ್ ಪೆಲೆ ಕಶೆಂ ಪಾರ್ಕುಂ ಸಮ್ಜಾನಾ ಮ್ಹಜ್ಯಾಯ್ ಪಾಟಿಕ್ ತೊಪ್ಲ್ಯಾತ್ ಭಾಲೆ ಕೊಣಾಂಕ್
ಸಾಂಗುಂ ಕಳಾನಾ ಆಪ್ಲೊಚ್ ಚಿಂತುನ್ ಗಿಲಾಸ್ ದಿಲೊ ಖೊಂವ್ಚಿ ಕರುನ್ ಮ್ಹಾಕಾಚ್ ತೊಪ್ಲ್ಯೊಯ್ ಭುಕೆಕ್
ತುಜ್ಯಾ ಖಾಣ್ ದಿಲೆಂ ಜೆವ್ಲ್ಲ್ಯಾ ಬೊಶಿಯೆಂತ್ ಮೆಳೆಂ
ಕೆಲೆಂಯ್... ಆಪ್ಲ್ಯಾ ಮೊಸ್ರಾಕ್ ವಿಚಾರ್
ಮ್ಹಳ್ಳೆಂ ನಾಂವ್ ದಿಲೆಂಯ್ ವಡ್ ಮ್ಹಜ್ಯಾಯ್
ದುಕಾಂಕ್ ಪಾವ್ಸ್ ಮ್ಹಳ್ಳೆಂ ನಾಂವ್ ದೀವ್ನ್ ಸೊಡ್... ಪಾಳಾಂಚ್ ಕಾತ್ರುವ್ನ್ ಉಡೊವ್ನ್ ತುಂ ಫಳಾಂಚಿಂ
ಸಪ್ಣಾಂಗಾ ದೆಕ್ತಾಯ್... ಮುಳಾಂಚ್ ನಾತ್ಲ್ಲ್ಯಾ
ಚಿಂತ್ಪಾನ್ ತುಜ್ಯಾ ಜಾಳಾಂತ್ ಶಿರ್ಕಾಂವ್ಕ್
ಚಿಂತಾಯ್..? ಎಕೆಕ್ಲ್ಯಾಂಚಾಚ್ ಪಾಟಿಕ್ ಸುರಿ
ಘಾಲುನ್ ಆಸಾಯ್ ಎಕ್ಲೊ ಎಕ್ಸುರೊ ಜಾಂವ್ಚಾರ್ ಚಾರ್
ಜಣಾಂಚಿ ತರೀ ಇಷ್ಟಾಗಾತ್ ಉರಯ್ ಪೆಟೆಕ್ ತುಜ್ಯಾ ಖಾಂದ್
ದಿಂವ್ಚ್ಯಾಕ್...
ನವೀನ್ ಪಿರೇರಾ, ಸುರತ್ಕಲ್
More in Poinnari
ಕವಿತಾकविताPoem Feb 2025
ಧಾಳ್ಯೊ [ಡೊ. ಝೀಟಾ ಲೋಬೊ]
ಕವಿತಾकविताPoem Oct 2020
ಕೆನ್ನಾಂ ಪುಣಿ ಉಟ್ತೆಲ್ಯಾತ್... (- ವಿಲ್ಮಾ ಬಂಟ್ವಾಳ್)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.