ಕವಿತಾकविताPoem
Ankddo - 18. Pandreantolem suknnem gaita
Jivit ek dhamvnni tor, don thorache monis somsarant dhamvtat. Zoxem vagyi dhamvta ani chitollyi dhamvta. Punn hea don dhamvnnecho tofaut; chitoll dhamvta aplo jivo vanchomvcheak tor vag dhamvta jivo kaddunk. Hea somajent soit osoleach don thorache monis jietat. Konn jivitant thokun udok pieunko tanetat tor dusre osolea monoxanchem rogot pieunko tanetat.
Maya Angelou omerikachi namnechi gaupinn, kovi, lekok. Oskot lokacho avaz ani tichea hea kovitechem sobhit torzonn kelam Bab Shailendra Mehtan.
Ankddo - 18. Pandreantolem suknnem gaita
Pandreantolem
suknnem gaita
mukt suknnem marta
udd'ddannam vareache fattir ufeta sokoil
vhamvpi udkant provah sompta thoim ani
buddoita aplim pakham sureachea kesri
kirnnamnim ani korta magir dhittai mollbacher malki sangpachi. Punn aplea
oxir pandreant bhomvpi suknnem pollounk
xokna aplea ragachea soream'modlean kapleant tachim pakham ani bandleat tache
pam-i dekhun korta ukto gauchepasot tallo. Pandreantolem suknnem gaita bhoyan thorthorot onoullokhi gozalimvixim punn zanchi
ballgil'li askti ani tacho sur yeta aikunk poisul'lea dongrar karonn pandreantolem
suknnem gaita svotontrotayekhatir mukt
suknnem sodant sodanch novea vareachea gaupi zhaddantlean vhamvpi mondmodhur vepari
vareavangodda motte kidde choitona vatt fantoddechea chokchoyall tonnacher ani korta
mollob svotachea namvar. Punn
pandreantolem suknne rauta ubem sopnanchea
thoddear tachi samvlli add'ddota bhoisoponachi killanch kapleant tachim pakham ani bandleat tache pam-i dekhun korta ukto
gauchepasot tallo. Pandreantolem suknnem
gaita bhoyan thorthorot onoullokhi
gozalimvixim punn zanchi ballgil'li askti ani tacho sur yeta aikunk poisul'lea dongrar karonn pandreantolem suknnem gaita
svotontrotayekhatir *** [Mull:
Maya Angelou,
Konknnik:
Shailendra Mehta]
Shailendra Mehta:
Polittikol Sainsacho odheapok zaun vaur kel'lo
ho onkonnkar, kovi, somikxok, torzokar toxench
konkonni vauraddi. Gõy mullacho sod'deak
mumbomyt vaur korun asa. Challis vorosam thaun
moratthi, konkonnint boroita. ’sisifos
tengxer’ tachea konkonni kovitencho
zomo.
More in Poinnari
ಕವಿತಾकविताPoem Feb 2025
Rosteadegechem ful [Diana Sharal Lobo]
ಕವಿತಾकविताPoem Oct 2020
Ken'nam punni utt'teleat ... (- Wilma Bantwal)
ಕವಿತಾकविताPoem Nov 2016
ಎಕಾ ಫೊಂಡಾಚಿ ಕಥಾ
Send your comments to author on this writing
This is not a comment box. Nothing you write here appears on the site or is shown to any other reader: it is sent to him by email, privately, and he replies to you directly if a reply is called for.