ಕವಿತಾकविताPoem

Mati

[Kovita]

Mati

Ek mutt matichch monxacho xevott. Ek chimtti matichch monxachi survat mholl'lle mullave tatvik chintpache buneadicher polletana matichch sorvosv, matiekhatir ami jietamv ani mortamv astam mati horyeka monxakullak mohotvachi. Matiekhatir desacho vantto zala, matiekhatir lokamn ekamekachi rogtanhoim vhalloilea ani vhalloun asa.

Hea matiecher borem bhim bore monachea monxan vompunk dhorlem tor tem borem bhim khirlon borem bellem zatolem, ani boro somaz udetolo. Punn jednam hi ’mati’ mot pirvol'le chintinastana annveank somorpun dita ani hea matiecher to annvo vaitt bhim vompunk dhorta, toull udeta khorgam ani onvaram monxakullachim. Khotto oplem khottench bhim vompunk dhortolo ani oxem somajechem sot'teanas zata.

Sokallik vixeacher bhovo marmik ritin uttoyil'lo avaz ho, kovita mhollear kitli sokteunt mhonnun bobattun sangcho gaz ho. Ani annvea ’bhimyallo’cher kantthallun kan/dolle/tondd/nak dhampun jieteleank hi kovita somzunk tras zainant. Kiteak mhollear kovi anddru kallzachi bhas zannascho kovi, ani xida kovitarosikachea kallzak rigchi kola bhovo opurbhayen zannascho mahir kovi, hye pauttim-i to toxench korta mhonnun tunch parkun ghe.

Mati

A picture from the Poinnari archive that nobody has described yet.

Matien ken'nam-i

maglem na bim

tichye khuxiechem!

vompun'nch gelom hamv

bim, mhojyech khuxiechem

vompun vompun

somplina khuxi

vikun'nch soddli mati

atam vompun asa porki

tachich khuxi, dhadoxi!

vicharyet tuvem, ’tujea matient

porkeachi khuxi koxi?’

vikxi tor mot‍y toxi

Pirki Pixi!

[December, 2016]

Comments

No comments yet. Be the first to say what you thought of it.

Leave a comment

Write in Kannada, Nagari or Romi, whichever you like. He reads every comment before it appears here, so yours will not show straight away. Your name is printed above it.

Your name

Your comment

0 of 2,000 characters

Only your name and your comment are kept - no email address. They stay on the site until he removes them; to have yours taken down, write to him through the contact form and say which one. Privacy.

Author

Andrew L. Dcunha

1984 (Pattlea 42 vorsam) thaun konknnent sahity rochun ascho Andrew L Dcunha ek lokamogall kovi. Gamvan Gurpur Kin'nikombollacho to otam Bejai vosti korn asa. Devadhin Denis ani Mary Dcunha hanchea sat bhurgeam poiki to nimanno. Tannem 1000 voir kovitam, 150 ko mikvon lekhnam ani 30 mottveo kannio boroileat. ’Vhollu Vhollu Vhall Vhallea’ (2004 - Ashawadi Prakashan), ’Onzurachem Pan’ (2013 - Kovita Trust) ani ’Ayeracho Buk’ (2014 - Karnataka Konknni Sahity Okaddemi) tache prokttit kovita zome. Tachea "Onzurachem Pan" Pustokak Karnataka Konknni Sahity Okaddemi proxsoti, AIKWO (Okhil Bharot Konknni Boroupeancho Ektar Pursokar), Vishwa Konkani Kendra-cho Vimala V. Pai Kovita Pursokar ani Dr.T.M.A.Pai Foundation-acho Pustok Pursokar taka lableat. Ailevar tachea "Ujvaddachye Vengent" kovita pustokak Karnataka Konknni Sahity Proxsoti lablea. 2023 vorsachi Rajy Mott'ttachi “Sondesh Konknni Sahity Proxsoti” taka lablea.

Mongllur Akax‍vanni thaun sumar 40 konknni kar‍yokromam tannem sador keleant. Sumar 38 vorsam adim Raknno potrar ‘Andru Mam'’ likhnne namvan bhurgeancho somsar vibhag tannem choloun vhela. Amcho Yuvok potrar nirvahok sompadok zaun vaur dila. "Izoicho Kollo" potracho sompadok zaun vavur‍la. Daiji Dubai Boroupeanchea Ektaracho Sompadok zaun vaur dila. Maai‍bhaas.com zalli zagear, Raknno, Dirvem, Ujvadd potramni kovita onkonn tannem choloilam. Raknnear tacho "Kas Somsar" onkonn, Noman Jezu Ballok potrar "Khas Somsar" onkonn oni Amcho Sondex potrar sokallik lekhnam sorag prokott zaun asat. Tannem att pustokank prostaun boroilam. Vevegllea konknni kovita spordeancho, konknni kovita sador sortencho toxench kornattok konknni sahity okaddemichea pustok proxsotecho voroinnar zaun vaur dila. Gamvant ani porgamvant sobar kovitagoxtti tannem choloun veleat. Kovitam vixim sobar probondh monddon keleat ani upneas dileat. “Kovita Trust” cho to trustee zaun asa. Kovita.com zalli zagear sompadokiyam to boroita.

All 23 pages by this writer