गडदी बस्सांत

गडदी बस्सांत

भुतियेंत तुवें धांपून दिल्ली

दोय पेज, मूट चेटणी,

काळजाची ऊब घेवून धांवोन

आतुरायेन घुसतां गडदी बस्सांत

सरोळाक उमकोळ, थिरावीण पांय

निश्टूर घुंवडेर लक्ता आंग

त्रास भग्तात सांबाळुंक बुती

ओप्सून दितां बसलेल्यां हातीं

फांत्यार तुवें फुंकचो उजो

दनपारां म्हजी पेटची भूक

तांकां कशें कळतेलें सांग

कर्तात भुती वोमती उदारी

तुवें मोगान दिंवच्ये पेजेचो

हांवें आशेन जेंवच्ये पेजेचो

घोट नीस वोतून वेतागो

कोण कोणा उसक्यार.

- विल्सन कटील