ಗಡ್ದಿ ಬಸ್ಸಾಂತ್

ಗಡ್ದಿ ಬಸ್ಸಾಂತ್

ಭುತಿಯೆಂತ್ ತುವೆಂ ಧಾಂಪುನ್ ದಿಲ್ಲಿ

ದೋಯ್ ಪೇಜ್, ಮೂಟ್ ಚೆಟ್ಣಿ,

ಕಾಳ್ಜಾಚಿ ಊಬ್ ಘೆವುನ್ ಧಾಂವೊನ್

ಆತುರಾಯೆನ್ ಘುಸ್ತಾಂ ಗಡ್ದಿ ಬಸ್ಸಾಂತ್

ಸರೊಳಾಕ್ ಉಮ್ಕೊಳ್, ಥಿರಾವೀಣ್ ಪಾಂಯ್

ನಿಶ್ಟುರ್ ಘುಂವ್ಡೆರ್ ಲಕ್ತಾ ಆಂಗ್

ತ್ರಾಸ್ ಭಗ್ತಾತ್ ಸಾಂಬಾಳುಂಕ್ ಬುತಿ

ಒಪ್ಸುನ್ ದಿತಾಂ ಬಸ್ಲೆಲ್ಯಾಂ ಹಾತಿಂ

ಫಾಂತ್ಯಾರ್ ತುವೆಂ ಫುಂಕ್ಚೊ ಉಜೊ

ದನ್ಪಾರಾಂ ಮ್ಹಜಿ ಪೆಟ್ಚಿ ಭುಕ್

ತಾಂಕಾಂ ಕಶೆಂ ಕಳ್ತೆಲೆಂ ಸಾಂಗ್

ಕರ್ತಾತ್ ಭುತಿ ವೊಮ್ತಿ ಉದಾರಿ

ತುವೆಂ ಮೊಗಾನ್ ದಿಂವ್ಚ್ಯೆ ಪೆಜೆಚೊ

ಹಾಂವೆಂ ಆಶೆನ್ ಜೆಂವ್ಚ್ಯೆ ಪೆಜೆಚೊ

ಘೊಟ್ ನೀಸ್ ವೊತುನ್ ವೆತಾಗೊ

ಕೊಣ್ ಕೊಣಾ ಉಸ್ಕ್ಯಾರ್.

- ವಿಲ್ಸನ್ ಕಟೀಲ್