Pustokanchem vachon ani chinton monxak girest korta: Thomazine Cardoz
“Videartheamni vachon korop gorjechem asa. Vachnantlean monis ghoddtta. Vachnantlean monis chinton ani monthon korta ani boro monis ghoddtta. Social media-chea zogant ghuspun urche poros vattnachea vixvant gele zalear jivit anikuy sobit zatlem” oxem voktouy namneche tiatrist ani dhempe mohavidealoyache adle videarthi Thomazine Cardoz hamnni kelem.
Dhempe Mohavidealoi (Svait't), Ashawadi Prakashan ani Sanjana Publications hanchea zoddpalovan ayojit kel'lea ‘Pustok Prokaxon ani Onnkar Karyoxalla’ hea kareavollint Xoilendr mehta hanchea ‘La Pest (onnkarit kadombori) ani ‘Algoridomachea vixvant’ (kovita songroh) hea pustokanchem lokarponn zalem. Hea vellar mukhel soire Thomazine Cardoz, Goa Konknni Alademi-che odhyokx Dr.Purnananda Chari, Dalgado Konknni Academy-che odhyokx Ba. Myron Jeson Barreto, Lekhok Shailendra Mehta, Sanjana Publications-che Prokaxok Dinesh Manerkar, Prachary Pro.Do. Ramu Murthy ani vibhag mukheli Do. Vaishali Nayak hozor axil'lim.
Suhas Soddekar ani Pra. Gourang Bhanddiye hamnni pustokancher uloup kelem. Hea vellar ril ani prosnomachi sortint zoitiunt zal'lea videartheancho bhouman zalo. Koxkar Damodor Ghanekar ani onnkaropi xoilendr mehta hamnni ‘tontrik onnkar’ hea vixeacher karyoxalla ghetli. Videartheank onnkara sondrbhantoli auhamnam ani upai hancher margodrxokamni chorcha keli. Hea vellar mukhel soire Thomazine Cardoz hancho Kunnbi zakitt, toxench her manestancho gõychea poromporik hostokolechem protik divn prachareamni bhouman kelo.
He kareavollik sumar 100 zannamni vantto ghetlo. Konknni sahityik, songhttok, mohavidealoyache her pradheapok ani videarthi hozor axil'le.
Purai kareavollichem sutrosonchalon Pra. Vidhita Shet, zalear kareavollichem somyozon ani upkarachem uloup Pra.Anju Sakhardande hamnni kelem.
