Sahityik Likhnni Ontoraxttri-i Kareagar ani Ashawadi.com Lokarponn
18 September (Mongllur): Mongllur Vixvo Videaloi Konkonni Odhyoino Peeta ani Sam. Luvis Porigonnit Vixvovidealoichea zodd asreakhal eka disachem ontoraxttri-i sthorachem kareagar ’Sahityik Likhnni’ Sam Luvis Vixvovidealoichea Sobhangonnant manddun haddlem.
Mukhel soire zaun Do.Austin Dsouza Prabhu Llinoi thaun hazor ason likhnni oni Veez digital nemalleavixim opnnachim bhognnam oni onbog vanttun ghetlo. Vixvovidealoiche kulopoti Ma.Do.Ko. Pravin Martis J.S. Konkonni bautto ubharn Konkonni mayek vondon korn, konkonni vixvovidealoi bhitor jivall anim kriall mholl'llem drixttant diun, sondex dilo.
Hech sondorbhar Do.Charls Lobon Konkonni digital kallachea survater Ashawadi Prakashan'an kel'lea vaurachi mottvi ollok, Daaiz.com, Poinnari.com ani K.B.S. (Konkani Beyond Scripts) misamvavixim vivor attapchem presenttexon dilem. Ashawadi Prakashan-achi trilipichi (Kannada, Nagari ani Romi lipint aschi) website ashawadi.com lokarponn kel'lo; Sam.Luvis Videa Somsthechea vhoddil rekttor Ma.Ba. Brian Pereira oplea uloupant jejvitancho vaur konkonni khatir koso urjit zala mholl'llea vixim mahet dili. Konknni somstheache nirdexok Ma.Ba.Prashant Madtha, Konkonni songhachi karyodorxi Shannon Pinto anim Aron Pinto vedir hazor asl'le.
Ontoraxttri-i kareagarak Mongllur Vixvo Videaloi Konkonni Odhyoin Peeta-chi somyozoki Do.Preeti Kirti Dsouza-n yeukar maglo, manestinn Flora Castelino (Konkonni Vibhagachi Mukhesinn) dhinvas patthoile.
Devadhin Mickmax-vixim porisomvad manestinn Juliet Moras anim Hemacharya-n bhag gheun vividh gaupeam marifat tachi gannam manest Sanjay Rodrigues-achea songito nirdexonadvarim sador kelim. Hea sondorbhar konknni film' ’Nachuyam Kumpasor’ mholl'llem prodorxit zalem.
Bhatmi ani tosviro: Flora Castelino
